spot_img
Homeຂ່າວການສຶກສາແຈ້ງການດ່ວນ! ເລື່ອງເລື່ອນການສອບເສັງ ຊັ້ນ ມ7

ແຈ້ງການດ່ວນ! ເລື່ອງເລື່ອນການສອບເສັງ ຊັ້ນ ມ7

Published on

10347164_10153074410579022_4556368315430021554_n

ແຫຼ່ງຂ່າວຈາກກະຊວງສຶກສາທິການ ແລະກິລາ ໄດ້ເປີດເຜີຍກັບສຳນັກຂ່າວ ລາວໂພສຕ໌ເມື່ອຕອນຄ່ຳຂອງວັນທີ 26 ມິຖຸນາ 2015 ວ່າ ຂ່າວລືເລື່ອງກະຊວງສຶກສາ ສັ່ງໂຈະການສອບເສັງຊັ້ນ ມ7 ໄວ້ກ່ອນນັ້ນ ຍັງບໍ່ແມ່ນຂໍ້ມູນທີ່ເປັນທາງການເທື່ອ ແລະຂໍ້ມູນເປັນຈິງທາງການນັ້ນ ແມ່ນສູນສອບເສັງທ້ອງຖິ່ນ ບາງສູນບໍ່ພ້ອມ ເຊັ່ນອາດຈະຕິດຄັດທາງດ້ານໄພທຳມະຊາດ ຫຼືອື່ນໆ ຈຶ່ງໄດ້ເລື່ອນການສອບເສັງວິຊາ ປະຫວັດສາດແລະຄະນິດສາດ ອອກໄປເສັງໃນວັນຈັນ ວັນທີ 29 ມິຖຸນາ 2015.

ແຈ້ງການເລກທີ 2623 /ຫກ. ມຍ/2015 ອອກວັນທີ 26 ມິຖຸນາ 2015
ເຖິງ: ຫົວໜ້າພະແນກສຶສາທິການແລະກິລາ ແຂວງ/ນະຄອນຫຼວງ
ເລື່ອງ: ການຈັດຕັ້ງສອບເສັງຈົບຊັ້ນມັດທະຍົມສຶກສາຕອນປາຍ ວິຊາຄະນິດສາດ ແລະປະຫວັດສາດ ປະຈຳສົກຮຽນ 2014-2015

ຫ້ອງການກະຊວງສຶກສາທິການ ແລະກິລາ ຂໍຖືເປັນກຽດແຈ້ງໃຫ້ທ່ານຊາບວ່າ: ເນື່ອງຈາກວ່າ ມີບາງເມືອງ ມີຄວາມຫຍຸ້ງຍາກ ແລະບໍ່ທັນມີຄວາມພ້ອມ ໃນການຈັດຕັ້ງສອບເສັງບາງວິຊາ ຕາມຕາຕະລາງກຳນົດ. ສະນັ້ນ, ຈຶ່ງເລື່ອນການສອບເສັງວິຊາ ຄະນິດສາດແລະປະຫວັດສາດ ໄປໃສ່ວັນຈັນ ວັນທີ 29 ມິຖຸນາ 2015 ຄື:
– ເວລາ 9:00-11:00 ສອບເສັງວິຊາ ຄະນິດສາດ
– ເວລາ 14:00-15:30 ສອບເສັງວິຊາ ປະຫວັດສາດ
ຈຶ່ງແຈ້ງມາເພື່ອຊາບ ແລະຈັດຕັ້ງປະຕິບັດຕາມຄວາມ ເໝາະສົມ.

ໃນຂະນະທີ່ພະແນກສຶກສາ ແຂວງສະຫວັນນະເຂດແຈ້ງວ່າ ເນື່ອງຈາກຫົວບົດສອບເສັງບາງວິຊາ ໃນບາງແຂວງມີບັນບັນຫາ ຈຶ່ງຈະໄດ້ເລື່ອນການສອບເສັງ 3 ວິຊາ ຄື: ສຶກສາພົນລະເມືອງ, ປະຫວັດສາດ ແລະຄະນິດສາດ ອອກໄປເສັງໃນວັນຈັນແລະອັງຄານ ວັນທີ 29-30 ມິຖຸນາ 2015.

10559915_1623794337865266_2016202366855146357_n

 

ບົດຄວາມຫຼ້າສຸດ

ທຫລ ປະກາດໃຊ້ ຂໍ້ຕົກລົງວ່າດ້ວຍການ ຄຸ້ມຄອງບັນຊີເງິນຝາກເງິນຕາຕ່າງປະເທດຢູ່ ລາວ

ທຫລ ປະກາດໃຊ້ ຂໍ້ຕົກລົງວ່າດ້ວຍການ ຄຸ້ມຄອງບັນຊີເງິນຝາກເງິນຕາຕ່າງປະເທດຢູ່ ລາວ ໃນວັນທີ 26 ກຸມພາ 2025 ນີ້, ທ່ານ ອາລຸນ ບຸນຍົງ ຮອງຜູ້ວ່າການ ທະນາຄານແຫ່ງ...

ກວດພົບ 2 ສາຍສື່ສານທີ່ບໍ່ມີເຈົ້າຂອງທີ່ ຂົວມິດຕະພາບ ລາວ-ໄທ

ເຈົ້າໜ້າທີ່ ກສທຊ ປະເທດໄທ ກວດພົບ 2 ສາຍສື່ສານບໍ່ມີເຈົ້າຂອງ ສຳນັກຂ່າວຕ່າງປະເທດ ລາຍງານໃນວັນທີ 25 ກຸມພາ 2025 ຜ່ານມາ, ເຈົ້າໜ້າທີ່ ສຳນັກງານຄະນະກຳມະການ ກິດຈະການກະຈາຍສຽງ,...

ພົບກັບຂໍ້ສະເໜີພິເສດທີ່ສຸດແຫ່ງປີ! ກັບ TOYOTA BIG DEAL

ພົບກັບຂໍ້ສະເໜີພິເສດທີ່ສຸດແຫ່ງປີ! ພຽງແຕ່ທ່ານຈອງລົດພາຍໃນເດືອນມີນາ 2025 ຮັບທັນທີ ຄັນຮົ່ມສຸດພຣີມຽມຈາກ ໂຕໂຢຕ້າ ລາວ. ພ້ອມດຽວກັນນັ້ນ, ຖ້າທ່ານອອກລົດຕັ້ງແຕ່ວັນທີ 1 ມີນາ ຫາ 30 ມິຖຸນາ 2025...

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...