ການແຂ່ງຂັນບານເຕະຍິງຊີງແຊ້ມໂລກ 2015 ທີ່ປະເທດ ການາດາ ເປັນເຈົ້າພາບ ເມື່ອ ວັນທີ 23 ມິຖຸນາ ຜ່ານມາ ຮອບ 16 ທີມສຸດ ທ້າຍ ລະຫວ່າງທີມຊາດຍີ່ປຸ່ນ ແຊ້ມກຸ່ມ C ທັງ ເປັນແຊ້ມເກົ່າ 1 ໃນ 5 ທີມ ຕົວແທນຈາກ ທະວີບອາຊີ ທີ່ຜ່ານເຂົ້າໄປຫຼິ້ນໃນຮອບສຸດທ້າຍ ພົບກັບ ໂຮນລັງ 1 ໃນ 4 ທີມອັນດັບ 3 ທີ່ມີຄະແນນດີທີ່ສຸດໃນຮອບຄັດເລືອກ.
ຜ່ານການແຂ່ງຂັນປະກົດວ່າ ຍີ່ປຸ່ນ ເປັນຝ່າຍ ເອົາຊະນະ ໂຮນລັງ ໄປໄດ້ຫວຸດຫວິດ 2-1 ປະຕູ. ເກມນີ້, ຍີ່ປຸ່ນ ໄດ້ປະຕູຂຶ້ນນຳໄປກ່ອນ ເຖິງ 2-0 ປະຕູ ຈາກ ຊາໂອຣິ ອະຣິໂຢຊິ ນາທີ 10 ແລະ ມິຊູໂຮ ຊາກາກູຊິ ນາທີ 78 ແຕ່ໃນ ໄລຍະເວລາທົດບາດເຈັບ ໂຮນລັງ ມາໄດ້ປະ ຕູຕີໄຂ່ແຕກ ເປັນ 1-2 ຈາກການຍິງຂອງ ເຄິສ ເທນ ຟານເດີເຟນ. ສົ່ງຜົນໃຫ້ ຍີ່ປຸ່ນ ຜ່ານ ເຂົ້າສູ່ຮອບ 8 ທີມ ປູເສັ້ນທາງສູ່ການປ້ອງກັນແຊ້ມຕໍ່ໄປ.
ສຳລັບໂປຣແກຣມ ໃນຮອບ 8 ທີມ ສຸດທ້າຍ ມີດັ່ງນີ້: ສປ ຈີນ ພົບ ສະຫະລັດອາເມຣິກາ, ເຢຍລະມັນ ພົບ ຝຣັ່ງ, ຍີ່ປຸ່ນ ພົບ ອົດສະຕາລີ ແລະ ອັງກິດ ພົບ ການາດາ ເຊິ່ງຈະແຂ່ງຂັນລະ ຫວ່າງວັນທີ 26-27 ມິຖຸນານີ້.