spot_img
Homeຂ່າວພາຍ​ໃນອາເຈນຕິນາຈະສາມາດຜ່ານເຂົ້າຮອບ4ທີມໄດ້ບໍ່ໃນບານເຕະ ໂຄປາ ອາເມຣິກາ 2015

ອາເຈນຕິນາຈະສາມາດຜ່ານເຂົ້າຮອບ4ທີມໄດ້ບໍ່ໃນບານເຕະ ໂຄປາ ອາເມຣິກາ 2015

Published on

ກ່ອນການແຂ່ງຂັນເຕະບານຊີງແຊ້ມແຫ່ງຊາດອາເມຣິກາ ຫຼື ໂຄປາ ອາເມຣິກາ 2015 ທີ່ປະເທດ ຊິລີ ເປັນເຈົ້າພາບ ທີມ ຊາດອາເຈນຕິນາ ຖືກຍົກໃຫ້ ເປັນທີມເຕັງແຊ້ມ ເນື່ອງຈາກ ມີນັກເຕະຊື່ດັງຫຼາຍຄົນ ບໍ່ວ່າ ຈະເປັນ ລິໂອເນລ ເມສຊີ ທີ່ພາ ສະໂມສອນ ບາເຊໂລນາ ແຫ່ງ ລາລີກາ ສະເປນ ຄວ້າຖິງ 3 ແຊ້ມໃນລະດູການ 2014- 2015 ລວມເຖິງ ເຊຄິໂອ ອະ ເກວໂຣ ດາວຊັລໂວ ພຣີເມຍ ລີກ ອັງກິດ ລະດູການຫຼ້າສຸດ, ກອງໜ້າຕົວເກັ່ງຈາກສະໂມ ສອນ ແມນເຊັສເຕີ ຊິຕີ ແລະ ນັກເຕະດັງຫຼາຍໆຄົນທີ່ຄ້າແຄ່ງໃນລີກຢູໂຣບ, ນອກນັ້ນ ເມສຊີ ຍັງອອກມາໃຫ້ສຳພາດວ່າຈະພາທີມຊາດອາເຈນຕິນາຄວ້າແຊ້ມໃຫ້ໄດ້ເພື່ອລຶບລ້າງຄວາມຜິດຫວັງຈາກການແຂ່ງຂັນເຕະບານໂລກ 2014.

ແຕ່ເມື່ອຮອດເວລາແຂ່ງຂັນແທ້ ທີມຊາດອາເຈນຕິນາ ກັບສ້າງຜົນງານບໍ່ຄ່ອຍດີປານໃດ ແລະ ບໍ່ໂດດເດັ່ນຄືກັບຫຼາຍໆຄົນຄິດເອົາໄວ້ ເຊິ່ງນັດ ເປີດສະໜາມ ສະເໝີ ປາຣາໄກວ ຮອງແຊ້ມເກົ່າ 2-2 ກ່ອນຈະບຽດເອົາຊະນະ ອຸຣຸໄກວ ແຊ້ມເກົ່າ 1-0 ແລະ ສົ່ງທ້າຍໃນຮອບແບ່ງກຸ່ມດ້ວຍການເອົາຊະນະ ຈາໄມກາ ພຽງ 1-0 ປະຕູ, ແຕ່ກໍ່ພຽງພໍໄດ້ຜ່ານເຂົ້າຮອບໃນຖານະແຊ້ມກຸ່ມ B ມີ 7 ຄະແນນ ຈາກ 3 ນັດ ຜ່ານເຂົ້າຮອບ 8 ທີມໄປພົບກັບທີມອັນດັບ 3 ກຸ່ມ A ຫຼື C ທີ່ມີຄະແນນດີທີ່ສຸດນັ້ນກໍ່ຄືທີມຊາດເອກວາດໍ ແລະ ທີມ ຊາດເວເນຊູເອລາ

ເຖິງຢ່າງໃດກໍ່ຕາມ, ຖ້າເຮົາລອງຢ້ອນຄືນຫຼັງໄປເບິ່ງບານໂລກ 2014 ທີ່ປະເທດ ບຣາຊິລ ເປັນເຈົ້າພາບ ຜົນງານຂອງອາເຈນຕິນາກໍ່ບໍ່ເຖິງຂັ້ນດີ ຫຼື ວູບວາບ ຊະນະ ທີມອື່ແບບຖະຫຼົ່ມຖະລາຍສູງສຸດຍິງໄດ້ 2 ປະຕູ ຖືວ່າດີແລ້ວ ແລະ ພວກເຂົາກໍ່ທະລຸເຖິງຮອບຊີງຊະນະເລີດກ່ອນຈະເສຍໃຫ້ເຢຍລະມັນ ຫວຸດ ຫວິດ 0-1 ປະຕູ.

‪ສຳລັບ ອາເຈນຕິນາ ເຄີຍໄດ້ແຊ໋ມມາແລ້ວ 14 ສະໄໝ (1921, 1925, 1927, 1929, 1937, 1941, 1945, 1946, 1947, 1955, 1957, 1959 , 1991 ຄັ້ງ ຫຼ້າສຸດ ແມ່ນປີ 1993 ຫຼື 23 ປີກ່ອນ).

11205530_1641357012744139_826701179653734697_n

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...