ສຳນັກຂ່າວຕ່າງປະເທດ ລາຍງານໃນວັນທີ 22 ມິຖຸນານີ້ວ່າ ສາມາດຈັບກຸມຜູ້ຂາຍ ແລະ ຍຶດຢາບ້າ – ເຮໂຣອີນ ນ້ຳໜັກລວມ 55 ກິໂລ ໃນອາທິດທີ່ຜ່ານມາ ເຊິ່ງຖືເປັນການຍຶດຢາເສບຕິດຄັ້ງໃຫຍ່ທີ່ສຸດໃນຮອບຫາຍປີ ໂດຍຜູ້ຕ້ອງສົງໄສທີ່ຖືກຈັບກຸມ ແມ່ນເປັນຊາວຈີນ 2 ຄົນ ແລະ ຍິງຊາວກຳປູເຈຍ 1 ຄົນ ເຊິ່ງຢາເສບຕິດທີ່ສາມາດຍຶດໄດ້ຄັ້ງນີ້ ແມ່ນມາຈາກພື້ນທີ່ສາມຫລ່ຽມຄຳ ໂດຍກຳປູເຈຍແມ່ນເປັນປະເທດປາຍທາງ ເພື່ອສົ່ງຕໍ່ໄປຍັງຕ່າງປະເທດ.

ດ້ານກອງບັນຊາການຕຳຫລວດແຫ່ງຊາດກຳປູເຈຍ ໄດ້ລະບຸວ່າ ຢາເສບຕິດທີ່ຍຶດໄດ້ດັ່ງກ່າວນີ້ ມີມູນຄ່າລວມປະມານ 3 ລ້ານໂດລາສະຫະລັດ ແລະ ເຈົ້າໜ້າທີ່ກໍກຳລັງຕາມລ່າຫາຫົວໂຈກຂະບວນການດັ່ງກ່າວນີ້ທີ່ເປັນຊາວກຳປູເຈຍເອງ ກຳລັງລີ້ຊ່ອນຈາກການຈັບກຸມໃນປັດຈຸບັນ.