ການແຂ່ງຂັນເຕະບານຍິງຊີງແຊ້ມໂລກ 2015 ທີ່ປະເທດ ການາດາ ເປັນເຈົ້າພາບດຳເນີນມາຮອດຮອບ 16 ທີມສຸດທ້າຍແລ້ວ, ເຊິ່ງຊາດທີ່ສາມາດຜ່ານເຂົ້າໄປຫຼິ້ນໃນຮອບ 16 ທີມ ປະກອບມີ: ການາດາ ແຊ້ມກຸ່ມ A, ສປ ຈີນ ຮອງແຊ້ມກຸ່ມ; ເຢຍລະມັນ ແຊ້ມກຸ່ມ B, ນໍເວ ຮອງແຊ້ມກຸ່ມ; ຍີ່ປຸ່ນ ແຊ້ມກຸ່ມ C, ແຄເມີຣູນ ຮອງແຊ້ມກຸ່ມ; ສະຫະລັດອາເມຣິກາ ແຊ້ມກຸ່ມ D, ອົດສະຕາລີ ຮອງແຊ້ມກຸ່ມ; ເບຼຊິນ ແຊ້ມກຸ່ມ E , ສ. ເກົາຫຼີ ຮອງແຊ້ມກຸ່ມ; ຝຣັ່ງ ແຊ້ມກຸ່ມ F , ອັງກິດ ຮອງແຊ້ມກຸ່ມ ແລະ ທີມອັນດັບ 3 ທີ່ມີ ຄະແນນດີທີ່ສຸດ 4 ທີມ ຄື: ໂຮນລັງ (ອັນດັບ 3 ກຸ່ມ A), ສະວິດເຊີແລນ (ອັນດັບ 3 ກຸ່ມ C), ສະວີເດັນ (ອັນດັບ 3 ກຸ່ມ D) ແລະ ໂຄລຳເບຍ (ອັນດັບ 3 ກຸ່ມ F).
ສຳລັບຜົນການປະກົບຄູ່ ໃນຮອບ 16 ທີມ ມີດັ່ງນີ້: ສາຍທີ 1 ສປຈີນ ພົບກັບ ແຄເມີຣູນ ແລະ ສະຫະລັດອາເມຣິກາ ພົບກັບ ໂຄລຳເບຍ; ສາຍທີ 2: ເຢຍລະມັນ ພົບກັບ ສະວີເດັນ ແລະ ຝຣັ່ງ ພົບກັບ ສ. ເກົາຫຼີ; ສາຍທີ 3: ເບຼຊິລ ພົບກັບ ອົດສະຕາລີ ແລະ ຍີ່ປຸ່ນ ພົບກັບ ໂຮນລັງ; ສາຍທີ 4: ນໍເວ ພົບກັບ ອັງກິດ ແລະ ການາດາ ພົບກັບ ສະວິດເຊີ ແລນ ເຊິ່ງຈະແຂ່ງຂັນລະຫວ່າງວັນທີ 20-23 ມິຖຸນາ 2015 ນີ້