spot_img
Homeຂ່າວພາຍ​ໃນປະຫານຊີວິດຂະບວນຄ້າຢາເສບຕິດ

ປະຫານຊີວິດຂະບວນຄ້າຢາເສບຕິດ

Published on

11226912_994904587207880_2941708355941788454_n
ເມື່ອທ້າຍອາທິດຜ່ານມານີ້, ສານປະຊາຊົນນະຄອນຫລວງວຽງຈັນ, ໄດ້ຕັດສີນປະ ຫານຊີວິດຂະບວນການຄ້າຢາເສບຕິດລາຍໃຫຍ່ ປະກອບມີ:
– ນາງມອຍ ອາຍຸ 37 ປີຢູ່ບ້ານທ່າກາດ ເມືອງແບງ ແຂວງອຸດົມໄຊ,
– ທ້າວ ອຸ່ນແກ້ວ ອາຍຸ 33 ປີ ຢູ່ບ້ານ ດອນນົກຂຸ້ມ ເມືອງສີສັດຕະນາກ ນະຄອນຫລວງວຽງຈັນ,
– ທ້າວ ສະເໜ່ ອາຍຸ 38 ປີ ແລະ ນາງ ດວງໃຈ ອາຍຸ 38 ປີ (ເປັນຜົວເມຍກັນ) ທັງສອງຖືສັນ ຊາດໄທ ຢູ່ບ້ານເດັ່ນລູກຂະໜຸນ ເມືອງທົ່ງສະຫລຽງ ຈັງຫວັດສຸໂຂ ໄທ ແລະ
– ນາງ ກິນນະ ລອນ ອາຍຸ 21 ປີ, ທ້າວ ຈັນສຸກ ອາຍຸ 18 ແລະ ທ້າວ ສົມພອນ ອາຍຸ 41 ປີ ທັງ ສາມແມ່ນອ້າຍນ້ອງກັນຢູ່ບ້ານຈັນສະຫວ່າງ ເມືອງສີໂຄດຕະບອງ ນະຄອນຫລວງວຽງຈັນ ໂດຍພວກ ກ່ຽວຖືກເຈົ້າໜ້າທີ່ຈັບຕົວໄດ້ຢູ່ເຂດບ້ານສີສະຫວາດ ເມືອງຈັນທະບູລີ ນະຄອນຫລວງວຽງຈັນ ພ້ອມຂອງກາງຢາບ້າຈຳນວນ 58 ພັນເມັດ, ຈຶ່ງຖືກສານຕັດສິນລົງໂທດ ຕາມລະບຽບກົດໝາຍ. \

ຂ່າວໃຫ້ຮູ້ຕື່ມວ່າ: ເມື່ອທ້າຍອາທິດຜ່ານມາເຊັ່ນດຽວກັນ ເຈົ້າໜ້າທີ່ ປກສ ແຂວງອຸດົມໄຊ ໄດ້ຈັບ ຕົວຜູ້ຄ້າຢາເສບຕິດ ຢູ່ເຂດເສັ້ນທາງລະຫວ່າງແຂວງອຸດົມໄຊຫາແຂວງຫລວງພະບາງ, ມີຜູ້ຕ້ອງ ຫາສອງຄົນຄື ທ້າວ ຖອນ ລໍຄຳລັດຖະແອ່ງ ອາຍຸ 37 ປີ ຢູ່ບ້ານຈຽງຍືນ ເມືອງສິງ ແຂວງຫລວງນ້ຳທາ ແລະ ທ້າວ ຄຳອ່ອນ ອາຍຸ 34 ປີ ຢູ່ບ້ານນາໝີ ເມືອງໄຊ ແຂວງອຸດົມໄຊ ພ້ອມຂອງກາງຝິ່ນໜັກ 8 ກິໂລ, ຊຸກເຊື່ອງໄວພາຍໃນລົດຕູ້ສະຕາແລກສີປອນໝາຍເລກທະບຽນ ກດ 0185 ກຳແພງນະ ຄອນ. ຈຶ່ງໄດ້ຍຶດໄວ້ເປັນຫລັກຖານໃນການດຳເນີນຄະດີຕາມລະບຽບກົດໝາຍ.

ທີ່ມາ:ລາວພັດທະນາ

 

 

ບົດຄວາມຫຼ້າສຸດ

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...

ເກີດຂຶ້ນ 1 ໃນ 8 ລ້ານ ຕ້ອງໄດ້ທຳການຜ່າອອກດ່ວນ ຍິງຊາວອິນເດຍພົບໂຕອ່ອນມາຢູ່ໃນຕັບ

ຍິງຊາວອິນເດຍມີອາການເຈັບທ້ອງ ຜົນສະແກນ MRI ພົບວ່າມີໂຕອ່ອນມາຢູ່ໃນຕັບ ເຊິ່ງເກີດຂຶ້ນໄດ້ຍາກມີພຽງ 45 ກໍລະນີ ໃນທົ່ວໂລກ ຈາກກໍລະນີຍິງຊາວອິນເດຍ ອາຍຸ 35 ປີ, ທີ່ກຳລັງຖືພາ 12 ອາທິດ...

ຍອດຜູ້ເສຍຊີວິດທະລຸ 1,400 ຄົນ ຈາກເຫດແຜ່ນດິນໄຫວໃນອັບການິສຖານ

ອັບເດດຍອດຜູ້ເສຍຊີວິດຈາກເຫດການແຜ່ນດິນໄຫວໃນອັບການິສຖານ ຄວາມຮຸນແຮງ 6.0 ຣິກເຕີ ຫຼ້າສຸດມີລາຍງານການເສຍຊີວິດເພີ່ມຂຶ້ນເປັນ 1,400 ຄົນ ແລະ ບາດເຈັບອີກຫຼາຍພັນຄົນ. ອີງຕາມສຳນັກຂ່າວຮອຍເຕີລາຍງານໃນວັນທີ 2 ກັນຍາ 2025, ກ່ຽວກັບເຫດການແຜ່ນດິນໄຫວໃນອັບການິສຖານ ເຮັດໃຫ້ມີຍອດຜູ້ເສຍຊີວິດເພີ່ມຂຶ້ນເປັນ...

ຫວຽດນາມ ຈັດພິທີສະຫລອງ 80 ປີ ການປະຕິວັດເດືອນສິງຫາ ແລະ ວັນຊາດ.

ສະເຫຼີມສະຫຼອງຢ່າງຍິ່ງໃຫຍ່! ປະທານປະເທດແຫ່ງ ສປປ ລາວ ເຂົ້າຮ່ວມ ພິທີສະເຫລີມສະຫລອງ 80 ປີ ການປະຕິວັດເດືອນສິງຫາທີ່ສຳເລັດຜົນ ແລະ ວັນຊາດ ສສ ຫວຽດນາມ. ໃນເຊົ້າວັນທີ 2...