spot_img
Homeສຸຂະພາບ ແລະ ສີ່ງແວດລ້ອມສປປ ລາວ ກຽມພ້ອມສະກັດກັ້ນພະຍາດ MERS-CoV

ສປປ ລາວ ກຽມພ້ອມສະກັດກັ້ນພະຍາດ MERS-CoV

Published on

mers-cov

ພະຍາດ MERS-CoV ເປັນພະຍາດ​ທີ່​ມີ​ສາເຫດ​ມາ​ຈາກ​ໄວຣັດ​ຊະນິດ​ໜຶ່ງ ​ທີ່​ພົບ​ໃນ​ສັດ​ຫຼາຍຊະນິດ ໂດຍ​ສະເພາະ​ອູດ ແລະ ຄົ້ນ​ພົບ​ຄັ້ງ​ທຳ​ອິດ​ໃນ​ປະເທດ​ຊາ​ອຸດິ​ອາ​ລາ​ເບຍ ໃນ​ປີ 2012 ອາການ​ຂອງ​ພະຍາດ​ດັ່ງກ່າວ​ທີ່​ມັກພົບ​ແມ່ນ ​ອາການ​ໄຂ້ ໄອ ຫາຍໃຈ​ຝືດ ພ້ອມ​ນັ້ນຍັງ​ພາໃຫ້​ເກີດປອດ​ອັກເສບ​ຮຸນ​ແຮງ ເຊິ່ງ​ເຮັດໃຫ້​ຄົນ​ເຈັບ​ມີ​ໂອກາດ​ເສຍ​ຊີວິດໃນ 36% ຂອງ​ກໍລະນີ​ທັງ​ໝົດ.

ປັດຈຸບັນ ຍັງ​ບໍ່​ທັນ​ມີ​ວັກ​ແຊັງ ຫຼື ຢາ​ປິ່ນປົວ ຫຼື ກັນ​ພະຍາດດັ່ງກ່າວ​ໄດ້ ດັ່ງນັ້ນ ມາດ​ຕະການປ້ອງ​ກັນ​ພື້ນຖານ​ແມ່ນ​ການ​ຮັກສາ​ອະນາໄມເປັນ​ປະຈຳ ໂດຍ​ສະເພາະ ການ​ລ້າງ​ມື ແລະ ນຳ​ໃຊ້ຜ້າ​ອັດ​ປາກ​ເວລາ​ໄອ-ຈາມ ຖ້າ​ບໍ່ຈຳເປັນ​ຄວນ​ຫຼີກ​ລ້ຽງ​ການ​ເດີນທາງ ​ໄປ​ປະເທດ​ທີ່​ກຳລັງ​ມີ​ການລະບາດ​ຂອງ​ພະຍາດ MERS-CoV ອົງການ​ອະນາໄມ​ໂລກ ໄດ້ລາຍ​ງານ​ໃນ​ວັນ​ທີ 3 ມິຖຸນາ 2015 ວ່າ: ມີ​ຜູ້​ຕິດເຊື້ອ MERS-CoV ຈຳນວນ 1.179 ຄົນ ໃນ 25 ປະເທດ​ທົ່ວ​ໂລກ ແລະ ມີ​ຜູ້ເສຍ​ຊີວິດ​ແລ້ວ 442 ຄົນ ແຕ່​ຍັງບໍ່​ທັນ​ມີ​ການ​ລາຍ​ງານ​ພົບ​ການຕິດເຊື້ອ​ໃນ ​ສປປ ລາວ.

ຕໍ່​ສະພາບ​ການ​ດັ່ງກ່າວ ກະຊວງ​ສາທາລະນະ​ສຸກ ຈຶ່ງ​ໄດ້​ເອົາໃຈ​ໃສ່​ໃນ​ການ​ໃຫ້​ຄວາມ​ຮູ້​ແກ່​ປະຊາ​ຊົນ​ກ່ຽວ​ກັບ​ພະຍາດ ແລະ ວິທີ​ປ້ອງ​ກັນ​ພະຍາດ​ດັ່ງກ່າວ ພ້ອມນັ້ນ ຍັງ​ໄດ້​ສົມທົບ​ກັບ​ອົງການ​ອະນາ​ໄມ​ໂລກ ຕິດຕາມ​ສະພາບການ​ລະບາດ​ໃນ​ຕ່າງປະເທດຢ່າງ​ໃກ້ຊິດ ແລະ ສົມທົບ​ກັບ​ຂະແໜງ​ການ​ກ່ຽວຂ້ອງ​ໃນ​ການເອົາໃຈໃສ່​ເຝົ້າ​ລະວັງ ແລະ ຕິດຕາມ​ຜູ້ໂດຍສານ​ທີ່​ເດີນທາງ​ຈາກ​ປະເທດ​ທີ່​ມີ​ການ​ລະບາດ ນອກ​ນີ້ ຍັງ​ໄດ້​ປັບປຸງ​ພື້ນຖານ​ໂຄງ​ລ່າງ ໂດຍ​ສະເພາະ ຫ້ອງ​ວິເຄາະ​ທີ່​ສາມາດ​ກວດ​ເຊື້ອ​ພະຍາດ MERS-CoV ໄດ້​ແລ້ວ ຢູ່​ສູນ​ວິເຄາະ ແລະ ລະບາດ​ວິທະຍາ ພ້ອມ​ທັງອົບຮົມ​ແພດ​ໝໍ ພະຍາບານ ແລະ ພະນັກງານ​ກ່ຽວຂ້ອງ​ໃຫ້​ກຽມພ້ອມ​ໃນ​ການບົ່ງມະຕິ ແລະ ປິ່ນປົວ​ຄົນ​ເຈັບ ຖ້າ​ຫາກ​ພົບ ຫຼື ມີ​ຂໍ້ສົນໃຈ​ເພີ່ມ​ເຕີມ​ກ່ຽວ​ກັບ​ພະຍາດ MERS-CoV ຫຼື ພະຍາດ​ອື່ນໆ ສາມາດ​ສອບ​ຖາມ​ໄດ້​ຜ່ານ​ສາຍດ່ວນ ກະຊວງ​ສາທາລະນະ​ສຸກ ເບີໂທລະສັບ 166.

 

ແຫລ່ງຂ່າວ: ວຽງຈັນໃໝ່

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...