ເວັບຂ່າວ Kapook.com ຂອງໄທ ໄດ້ລາຍງານໃນວັນທີ 12 ມິຖຸນາຜ່ານມານີ້ວ່າ ຊາວບ້ານໃນບ້ານດອນໝາກຍາງ ຕາແສງຕາດທອງ ເມືອງຍະໂສທອນ ແຂວງຍະໂສທອນ ປະເທດໄທ ໄດ້ຮວມຕົວກັນນິມົນພຣະຄູສີນສາຣາພອນ ມາແຕ່ແຂວງຮ້ອຍເອັດ ເຊິ່ງເປັນພຣະທີ່ຊ່ຽວຊານດ້ານໄສຍະສາດ ມາເຮັດພິທີໄລ່ຜີປອບຢູ່ພາຍໃນບ້ານ ເນື່ອງຈາກຊາວບ້ານເກີດຄວາມບໍ່ສະບາຍໃຈ ເມື່ອມີຄົນລົ້ມຕາຍຕິດຕໍ່ກັນເຖິງ 5 ຄົນ ພາຍໃນເດືອນດຽວ ທັງໆທີ່ບາງຄົນກໍມີສຸຂະພາບແຂງແຮງດີ ຊາວບ້ານຈິ່ງເຊື່ອວ່າເກີດຈາກຜີປອບມາເອົາ ບາງຄົນກໍໄດ້ໄປຫາໝໍດູເບິ່ງໃຫ້ ໝໍດູກໍທັກທ້ວງວ່າເປັນຝີມືຂອງຜີປອບ ແລະ ມັນຍັງຈະເອົາຊີວິດຂອງຊາວບ້ານໄປອີກເພີ່ມເຕີມ ຈິ່ງເຮັດໃຫ້ຊາວບ້ານໄດ້ປຶກສາກັນ ແລ້ວໄປນິມົນເອົາພຣະທີ່ຊ່ຽວຊານໃນດ້ານນີ້ ມາຊ່ວຍທຳພິທີໃຫ້ ເພື່ອຄວາມສະບາຍໃຈ.
