ສຳນັກຂ່າວຕ່າງປະເທດ ລາຍງານໃນວັນທີ 15 ມິຖຸນານີ້ວ່າ ເກີດເຫດລົມພັດແຮງຂຶ້ນໃນນະຄອນຫລວງຮ່າໂນ້ຍ ປະເທດຫວຽດນາມ ໃນມື້ວັນເສົາທີ 13 ມິຖຸນາຜ່ານມາ ເຮັດໃຫ້ຕົ້ນໄມ້ໃຫຍ່ປະມານ 1,000 ຕົ້ນ ລົ້ມຖອນຮາກ ແລະ ຍັງມີຜູ້ເສຍຊີວິດອີກ 2 ຄົນ ບາດເຈັບອີກ 5 ຄົນ ຈາກເຫດການດັ່ງກ່າວ.
ທັງນີ້ຜູ້ເສຍຊີວິດຈຳນວນ 2 ຄົນ ແມ່ນມີສາເຫດມາຈາກຖືກຕົ້ນໄມ້ລົ້ມທັບ ໃນຂະນະທີ່ກຳລັງຂີ່ລົດຈັກຢູ່ເທິງທ້ອງຖະໜົນ ສ່ວນປະຊາຊົນທີ່ໄດ້ຮັບບາດເຈັບອີກ 5 ຄົນນັ້ນ ແມ່ນເກີດຈາກຕົ້ນໄມ້ລົ້ມໃສ່, ປ້າຍໂຄສະນາ ແລະ ສັງກະສີທີ່ຫລຸດອອກມາຕົກໃສ່ ເຮັດໃຫ້ຫລາຍຄົນທີ່ຢູ່ໃນເຫດການ ຈຳຕ້ອງປະຖິ້ມລົດຈັກຂອງຕົນໄວ້ກາງທາງ ແລ້ວຫາບ່ອນກຳລັງທີ່ແໜ້ນໜາເພື່ອຫລົບລີ້ໄພຊົ່ວຄາວ.
ອີງຕາມລາຍງານຂອງແຫລ່ງຂ່າວລະບຸວ່າ ມີຕົ້ນໄມ້ລົ້ມຢ່າງໜ້ອຍ 1,000 ຕົ້ນ ແລະ ເຮືອນຊານຂອງປະຊາຊົນ ມີຫລັງຄາເປີດເສຍຫາຍ 139 ຫລັງ ພ້ອມທັງມີເສົາໄຟຟ້າຫັກອີກ 21 ຕົ້ນ ແລະ ລົດໃຫຍ່ເສຍຫາຍ 13 ຄັນ.
