ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ໃນໄລຍະນີ້, ບໍລິເວນຄວາມກົດດັນອາກາດຕ່ຳຂອງອາກາດຮ້ອນຍັງຈະປົກຄຸມຢູ່ທົ່ວທຸກພາກຂອງລາວ, ສົມທົບກັບກະແສລົມຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່, ເຮັດໃຫ້ອຸນຫະພູມອາກາດໂດຍທົ່ວໄປຮ້ອນທຳມະດາ ແລະ ຍັງຈະມີຝົນຕົກຟ້າຄະນອງໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງຢູ່ບາງທ້ອງຖິ່ນແຂວງພາກກາງລົງຫາພາກໃຕ້, ພ້ອມມີລົມພັດແຮງເປັນບາງໂອກາດ. ຈາກນັ້ນ ທ້າຍອາທິດນີ້ຫາຕົ້ນອາທິດໜ້າ ກະແສລົມຕາເວັນຕົກສ່ຽງໃຕ້ຈະມີກຳລັງແຮງເພີ່ມຂຶ້ນພັດປົກຄຸມຢູ່ທົ່ວທຸກພາກຂອງລາວ, ເຮັດໃຫ້ມີຝົນຕົກຟ້າຄະນອງໃນລະດັບຄ່ອຍຫາປານກາງຫລາຍຂຶ້ນ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນໃນແຕ່ລະພາກ, ນັບທັງນະຄອນ ຫລວງວຽງຈັນ.
ໃນໄລຍະນີ້ ສະພາບອາກາດຍັງຈະຮ້ອນທຳມະດາ, ຈາກນັ້ນ ທ້າຍອາທິດນີ້ ຫາຕົ້ນອາທິດໜ້າອຸນ ຫະ ພູມໂດຍທົ່ວໄປຈະເຢັນລົງເລັກນ້ອຍ, ຍ້ອນກະແສລົມຕາເວັນຕົກສ່ຽງໃຕ້ພັດປົກຄຸມ, ເຮັດໃຫ້ມີຝົນຕົກຟ້າຄະນອງຫລາຍຂຶ້ນ, ໃນວັນທີ 12-14 ມີຖຸນານີ້, ສະພາບຝົນຈະເບົາບາງລົງເລັກນ້ອຍ ແລະ ໃນວັນທີ 15- 16 ມີຖຸນານີ້ ສະພາບຝົນຕົກຈະຢູ່ໃນລະດັບຄ່ອຍຫາປານກາງຫລາຍຂຶ້ນຢູ່ແຕ່ລະພາກ, ພ້ອມມີລົມພັດແຮງເປັນບາງໂອກາດ. ຈຶ່ງເຕືອນໃຫ້ປະຊາຊົນເຮົາມີຄວາມລະມັດລະວັງຕໍ່ໄພທຳມະຊາດທີ່ອາດຈະເກີດຂຶ້ນ ແລະ ຂໍໃຫ້ຕິດຕາມພະຍາກອນອາກາດເປັນປະຈຳ.
ແຫລ່ງຂ່າວ: ລາວພັດທະນາ