ອີງຕາມການລາຍງານຂອງ ສະມາຄົມອາສາກູ້ໄພ ນະຄອນຫຼວງວຽງຈັນ ເມື່ອເດິນເດິກຂອງວັນທີ 11 ມິຖຸນາ 2015 ວ່າ ເວລາ 22:00 ຂອງວັນດຽວກັນນີ້ ທາງສະມາຄົມຯ ໄດ້ຮັບແຈ້ງຈາກພົນລະເມືອງດີວ່າ ມີຜູ້ເຖົ້ານອນໝົດສະຕິຢູ່ເສັ້ນທາງ 450 ປີ ທາງທີມງານສະມາຄົມ ອາສາກູ້ໄພນະຄອນຫຼວງວຽງຈັນ ຈຶ່ງໄດ້ຮີບຟ້າວລົງໄປໃນສະຖານທີ່ເກີດເຫດ ແລະໄດ້ພົບກັບແມ່ຍິງອາຍຸປະມານ 70 ກວ່າປີ ນອນໝົດສະຕິຢູ່ ຈຶ່ງໄດ້ຮີບຮ້ອນໃຫ້ການຊ່ວຍເຫຼືອ ໂດຍການນຳສົ່ງໂຮງໝໍ 150 ຕຽງ ແຕ່ບໍ່ຮູ້ຊື່ວ່າຊື່ຫຍັງ ດັ່ງນັ້ນ ຖ້າທ່ານຜູ້ອ່ານຫາກຮູ້ຈັກ ຜູ້ເຖົ້າຜູ້ນີ້ຂໍໃຫ້ໂທແຈ້ງ ສະມາຄົມຯ ດ້ວຍ ທີ່ເບີສາຍດ່ວນ 1624. ຫຼືແຈ້ງໃຫ້ຍາດພີ່ນ້ອງ ລູກຫຼານຂອງຜູ້ກ່ຽວຊາບດ້ວຍ.