ໃນການແຂ່ງຂັນບານເຕະງານມະຫະກຳກິລາຊີເກມຄັ້ງທີ 28 ກຸ່ມບີ ທີມຊາດລາວ ພົບ ທີມຊາດຕີມໍເລສເຕ ໃນເວລາ 19:30 ໂມງທີ່ສິງກະໂປ

ການແຂ່ງຂັນເລີ່ມຂື້ນເຄີ່ງເວລາທຳອິດຕີມໍຂື້ນນຳກ່ອນ 1-0 ປະຕູໃນນາທີທີ່ 22 , ເຊີ່ງທີມຊາດລາວພະຍາຍາມຕີໄຂ່ແຕກໄດ້ໃນນາທີທີ່ 27 ເຮັດໃຫ້ສະເໝີກັນຢູ່ທີ່ 1-1 ປະຕູຈາກການຍິງຂອງບຸນທະວີ ສີປະສົງ ແລະ ກໍ່ບໍ່ສາມາດຍິງປະຕູກັນເພີ່ມໄດ້ໃນທີ່ສຸດກໍ່ໝົດເຄີ່ງເວລາທຳອິດ

ເກມການແຂ່ງຂັນໃນເຄີ່ງເວລາທີ 2 ຫຼີ້ນມາບໍ່ພໍເທົ່າໃດນາທີທີມຊາດລາວເຮັດໃຫ້ແຟນບານລາວມີເຮເມື່ອພຸດທະໄຊ ໂຄຈະເລີນ ຍິງປະຕູທີ 2 ໃຫ້ທີມຊາດລາວ ຂື້ນນຳ ທີມຊາດຕີມໍເລສເຕ 2-1 ປະຕູ, ແລະ ໃນນາທີທີ່ 67 ທີມຊາດລາວກໍ່ມີລຸ້ນທີ່ຈະຊະນະຂາດໂດຍການຍິງປະຕູຂື້ນນຳເປັນ 3-1 ປະຕູຈາກການຍິງຂອງຄອນສະຫວັນ ສີຫາວົງ ແຕ່ວ່າລາວເຮົາກໍ່ມາເສຍປະຕູເພີ່ມອີກ 1 ປະຕູໃຫ້ກັບຕີມໍເລສເຕ, ແຕ່ບໍ່ເປັນຜົນເມື່ອຈົບການແຂ່ງຂັນທີມຊາດລາວເອົາຊະນະທີມຊາດຕີມໍເລສເຕໄປໄດ້ 3-2 ປະຕູເຮັດໃຫຫ້ເກັບເພີ່ມໄດ້ອີກ 3 ຄະແນນ, ເຊີ່ງວ່າທີມຊາດລາວເຮົາລົງເຕະ 4 ນັດຊະນະ 2 ເສຍ 2 ມີ 6 ຄະແນນ ເປັນອັນດັບທີ 4 ຂອງຕາຕະລາງ ແລະ ນັດຕໍ່ໄປຈະພົບກັບມາເລເຊຍໃນວັນທີ 11 ມິຖຸນານີ້ຢ່າລືມຖ້າຕິດຕາມໃຫ້ກຳລັງໃຈນັກກິລາລາວເຮົາ