ເກັບກູ້ສົບນັກຮຽນ ທີ່ສຸນຫາຍ ຈາກເຫດການ 26/5 ຄົບແລ້ວ.. ອີງຕາມການຢັ້ງຢືນຂອງ ທ່ານ ຄຳປຸ່ນ ພິມຜາດີ ນາຍບ້ານ ຫົວນາທົ່ງ ເມືອງປາກງື່ມ ນະຄອນຫລວງວຽງຈັນ ໃຫຮູ້ວ່າ ໃນເວລາປະມານ 5-6 ໂມງເຊົ້າຂອງວັນທີ 6 ມິຖຸນາ 2015. ມີຊາວປະມົງກຳລັງໄຫລມອງຢູ່ເຂດນ້ຳບ້ານນາປາກວາງ ເມືອງປາກງື່ມ ພົບສົບເດັກນ້ອຍນັກຮຽນ ເພດຊາຍ (ຫ່າງຈາກຈຸດເກີດເຫດປະມານ 10km) ແລະໄດ້ແຈ້ງໃຫ້ອຳນາດການປົກຄອງຊາບແລະທຳການເກັບກູ້ຂື້ນ.
ຜ່ານການຢັ້ງຢືນກໍ່ຮູ້ວ່າ ເປັນສົບຂອງທ້າວ ແສງຈັນ ຂຸນສັກນະລາດ ອາຍຸ 11ປີ ເປັນລູກຂອງທ້າວ ພູວັນ ແລະ ນາງ ຄຳພາ ຂຸນສັກນະລາດ ບ້ານຫົວນາທົ່ງ ພາຍຫລັງເກັບກູ້ສົບຂື້ນມາແລ້ວ ຄອບຄົວພ້ອມດ້ວຍອຳນາດການປົກຄອງກໍໄດ້ທຳພິທີຊາປະນາກິດສົບຢ່ ປ່າຊ້າບ້ານຫົວນາທົ່ງ ໃນວັນດຽວກັນ.
ປະຕິບັດການ ຄົ້ນຫາຜູ້ສູນຫາຍ ຖືວ່າໄດ້ສຳເລັດໄດ້ 100% ໂດຍໃຊ້ເວລາທັງໝົດ 12 ວັນ.
