ພິທີສົ່ງມອບຜູ້ຕ້ອງຫາຄະດີຢາເສບຕິດຈຳນວນສອງຄົນໃຫ້ເຈົ້າໜ້າທີ່ຫວຽດນາມຄື: ທ້າວ ເລື້ອງ ວັນ ເຟັງ ອາຍຸ 56 ປີຢູ່ບ້ານຕາກ້າ ແລະ ນາງ ຄາທິມາຍ ອາຍຸ 39 ປີ ຢູ່ບ້ານລິ່ວເລິບກິເຊີນ ແຂວງເງະອານ ຖືສັນຊາດຫວຽດນາມ ໄດ້ມີຂຶ້ນໃນວັນທີ 3 ມິຖຸນານີ້, ທີ່ຄ້າຍຄຸມຂັງ-ດັດສ້າງໂພນທັນ ນະຄອນຫລວງວຽງຈັນ ໂດຍທ່ານພັນ ໂທ ດວງຈັນ ວົງວິໄຊ ຮອງຫົວໜ້າກົມຕຳຫລວດສືບສວນ-ສອບສວນຂອງລາວ ແລະ ທ່ານພັນເອກ ເຈີນ ວັນ ມິງ ຫົວໜ້າພະແນກໄລ່ຊອກ-ໄລ່ຈັບຜູ້ກະທຳຜິດ ຕຳຫລວດແຂວງເງະອານ ສສ.ຫວຽດນາມ.
ເຈົ້າໜ້າທີ່ໃຫ້ຮູ້ວ່າ: ທ້າວ ເລື້ອງ ວັນ ເຟັງ ເປັນຜູ້ຕ້ອງຫາໃນຄະດີຢາເສບຕິດຢູ່ຫວຽດນາມ ແລະ ໄດ້ລັກໂຕນໜີຈາກຄ້າຍ ຄຸມຂັງດົງເຊີນແຂວງກວາງຈິໃນປີ 2002 ແລະ ໄດ້ເຂົ້າມາລີ້ຊ້ອນຕົວຢູ່ບ້ານວຽງຄຳ ເມືອງສີໂຄດຕະບອງ ນະຄອນຫລວງ
ວຽງຈັນ ແລະ ມາຮອດວັນທີ 31 ພຶດສະພາ 2015 ຈຶ່ງຖືກເຈົ້າໜ້າທີ່ຈັບໄດ້, ສ່ວນນາງ ຄາທິມາຍ ກໍແມ່ນຜູ້ຕ້ອງຫາໃນຄະ ດີຢາເສບຕິດເຊັ່ນກັນໃນປີ 2006 ແລ້ວເຂົ້າມາລີ້ຊ້ອນຕົວຢູ່ບ້ານຊຽງແລທ່າ ເມືອງປາກງື່ມ ນະຄອນຫລວງວຽງຈັນ ແລະ ຖືກເຈົ້າໜ້າທີ່ຈັບຕົວໄດ້ໃນວັນທີ 30ພຶດສະພາ 2015 ຈຶ່ງໄດ້ສົ່ງມອບໃຫ້ເຈົ້າໜ້າທີ່ຫວຽດນາມນຳ ໄປດຳເນີນຄະດີຕາມລະ ບຽບກົດໝາຍ.
ຂອບໃຈຂ່າວຈາກ ລາວພັດທະນາ