ວັນທີ 05/06/15 ເວລາປະມານ 11:00 ໂມງ ໜ່ວຍກູ້ໄພມູນນິທິໄດ້ຮັບແຈ້ງວ່າພົບຮ່າງຂອງນ້ອງນັກຮຽນທີ່ສູນຫາຍຈາກເຫດການເຮືອຫລົ້ມທີ່ບ້ານ ນາບົງ ເມືອງປາກງື່ມ 1 ຄົນ ເປັນເພດຍິງ ຟູຂື້ນໜ້ານ້ຳ ຫ່າງຈາກຈຸດເກີດເຫດປະມານ 4 ກິໂລແມັດ ພໍ່ແມ່ປະຊາຊົນທີ່ພົບເຫັນຈຶ່ງໄດ້ແຈ້ງຫາພາກສ່ວນທີ່ກ່ຽວຂ້ອງ ແລະ ນຳຮ່າງຂອງນ້ອງຂຶ້ນມາມອບໃຫ້ແກ່ຄອບຄົວ ນ້ອງມີຊື່ວ່າ ນາງປູນາ ອາຍຸ 10 ປີ ຢູ່ບ້ານຫົວນາທົ່ງ ເມືອງປາກງື່ມ. ປະຈຸບັນ ສົບຂອງນ້ອງແມ່ນໄດ້ນຳໄປປະກອບພິທິທາງສາສະຫນາຕາມຮີດຄອງປະເພນີເປັນທີ່ຮຽບຮ້ອຍໃນຕອນບ່າຍຂອງມື້ດຽວກັນ. ທາງໜ່ວຍກູ້ໄພມູນນິທິຂໍສະແດງຄວາມເສຍໃຈກັບຄອບຄົວຂອງນ້ອງດ້ວຍ ແລະ ຂໍໃຫ້ພົບຮ່າງຜູ້ສູນຫາຍທີ່ເຫຼືອອີກ 2 ຄົນຈາກເຫດການຄັ້ງນີ້ໃນໄວໆດ້ວຍ.

ຂອບໃຈຂ່າວຈາກ: ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງປະເທດລາວ