ຫຼັງຈາກລັດຖະບານແຈ້ງເມື່ອວັນທີ 2 ມິຖຸນາ ວານນີ້ວ່າ ທ່ານໂຊກໄຊ (ປີເຕີຈັນ) ປະທານບໍລິສັດ ລາວເວີນ ມະຫາຊົນ (ລາວ-ໄອເຕັກ) ສະແດງເຈດຈຳນົງຈະສ້າງຂົວຂ້າມນ້ຳງື່ມ ເປັນຂອງຂວັນໃຫ້ແກ່ພີ່ນ້ອງປະຊາຊົນ ເຊິ່ງເປັນທີ່ຊື່ນຊົມຍິນດີແກ່ປະຊາຊົນທີ່ຮູ້ຂ່າວດັ່ງກ່າວ.
ຕົກມາມື້ນີ້ ວັນທີ 3 ມິຖຸນາ 2015 ຫ້ອງວ່າການປົກຄອງນະຄອນຫຼວງ ກໍໄດ້ແຈ້ງການ ເລກທີ່ 0930 /ຫປນ/ວຈ, ລົງວັນທີ 3 ມິຖຸຸນາ 2015 ໃຫ້ຊາບວ່າ ທ່ານ ໂຊກໄຊ (ປີເຕີຈັນ) ໄດ້ສະແດງເຈດຈຳນົງຈະສ້າງຂົວຂ້າມຮ່ອງແຊງ ເຂດຫຼັງວິທະຍາໄລລາວອາເມລິກາໃຫ້ອີກລ້າໆ ລວມແລ້ວເປັນຂົວສອງແຫ່ງຄື:
1. ຂົວຂ້າມນ້ຳງຶ່ມຈາກທ່າບ້ານນາບົງ ຫາ ບ້ານກົກໄຮ ເມືອງປາກງຶ່ມ, ນະຄອນຫຼວງວຽງຈັນ.
2. ຂົວຂ້າມຮ່ອງແຊງ, ຫຼັງ ວິທະຍາໄລລາວອາເມລິກາ.