ເນື່ອງໃນໂອກາດສະເຫລີມສະຫລອງວັນປູກຕົ້ນໄມ້ແຫ່ງຊາດ ແລະ ວັນເດັກ ນ້ອຍສາກົນ1ມິຖຸນານີ້, ທີ່ຫໍປະຊຸມແຫ່ງຊາດ, ນະຄອນຫລວງວຽງຈັນ, ການ ນໍາຂັ້ນສຸງພັກ-ລັດນໍາໂດຍທ່ານທອງສິງທໍາມະວົງນາຍົກລັດຖະມົນຕີ, ທ່ານນາງ ປານີຢາ ທໍ່ຕູ້ປະທານສະພາແຫ່ງຊາດ,ທ່ານອາຊາງລາວລີຮອງນາຍົກລັດຖະມົນຕີ, ພ້ອມດ້ວຍບັນດາລັດຖະມົນຕີວ່າການ, ຊ່ວຍວ່າການ ແລະ ພະນັກງານຂັ້ນສຸງ ອ້ອມຂ້າງອົງການຈັດຕັ້ງພັກ-ລັດ, ໄດ້ເຂົ້າຮ່ວມປຸກຕົ້ນໄມ້ເນື່ອງໃນໂອກາດ ວັນເດັກ ສາກົນ ແລະ ວັນປູກຕົ້ນໄມ້ແຫ່ງຊາດ 1 ມິຖຸນາ. ໂດຍຕົ້ນໄມ້ທີ່ນໍາມາປູກຄັ້ງນີ້ປະກອບມີ: ໄມ້ດູ່, ໄມ້ຄໍາພີ, ໄມ້ຂະຍຸງ ແລະ ໄມ້ຊະນິດອື່ນໆ ຫລາຍກວ່າຮ້ອຍຕົ້ນ.
ປັດຈຸບັນ,ພັກແລະລັດຖະບານ,ໄດ້ຖືສໍາຄັນວຽກງານການຄຸ້ມຄອງ,ປົກປັກຮັກສາແລະພັດທະນາປ່າໄມ້ເປັນວຽກຍຸດທະສາດບູລິມະສິດຂອງການພັດທະນາເສດຖະກິດ-ສັງຄົມແຫ່ງຊາດ,ໂດຍສະເພາະເລັ່ງໃສ່ວຽກງານການປົກປັກຮັກສາປ່າໄມ້,ການປູກໄມ້ແລະຟື້ນຟູປ່າສະເພາະໃນປີ2015 ຄາດໝາຍສູ້ຊົນຟື້ນຟູປ່າໄມ້ເພື່ອປົກປັກຮັກສາໃຫ້ມີເນື້ອທີ່ປົກຫຸ້ມໃຫ້ໄດ້65%ແລະເພີ່ມເປັນ70% ໃນປີ2020,ເພື່ອຕອບສະໜອງແລະສ້າງປັດໄຈພື້ນຖານຕາມທິດທາງດັ່ງກ່າວພັກແລະລັດຖະ ບານຈຶ່ງຮຽກຮ້ອງເຖິງການປູກຈິດສໍານຶກທົ່ວພັກ-ທົ່ວລັດແລະທົ່ວປວງຊົນປະກອບສ່ວນເຂົ້າໃນການປູກຕົ້ນໄມ້ແລະຟື້ນຟູປ່າໄມ້ໃຫ້ຜືນແຜ່ນດິນຕອນນີ້ເປັນພື້ນທີ່ສີຂຽວ.
ຂອບໃຈຂ່າວ: ລາວພັດທະນາ