ພາຍຫຼັງທີ່ການລົງສະໜາມຄັ້ງທຳອິດ ຂອງນັກເຕະທີມຊາດລາວ ໃນຊີເກມຄັ້ງທີ 28 ໃນວັນທີ 29 ພຶດສະພາທີ່ຜ່ານມາ ໄດ້ເສຍໃຫ້ທີມຊາດໄທ 0-6 ແນວໃດກໍຕາມ ມື້ນີ້ ວັນທີ 31 ພຶດສະພາ ທີມຊາດລາວໄດ້ລົງສະໜາມພົບກັບບຣູໄນ ແລະກໍສາມາດເອົາຊະນະດ້ວຍ 2-1 ໂດຍແມ່ນພຸດທະໄຊ ໂຄຈະເລີນ ນັກເຕະເບີ 15 ຂອງລາວ ເປັນຜູ້ຍິງໄກ ເຂົ້າປະຕູໄປຢ່າງສວຍງາມໃນເຄິ່ງເວລາທຳອິດ ໃນນາທີ 11  ຈາກນັ້ນຕ່າງຝ່າຍກໍບໍ່ສາມາດເຮັດປະຕູໄດ້ ຈົບເຄິ່ງເວລາທຳອິດ ລາວນຳບຣູໄນຢູ່ 1-0.

ໃນເຄິ່ງເວລາທີສອງ ມາຮອດນາທີທີ 67 ບຣູໄນສາມາດຍິງປະຕູລາວໄດ້ ເຮັດໃຫ້ສະເໝີກັນ 1-1 ແຕ່ຈາກນັ້ນໄປພຽງ 7 ນາທີ ໝາຍເລກ 14 ຂອງລາວ ສຸກຈິນດີ ກໍມາຍິງປະຕູຂຶ້ນນຳ ເປັນ 2-1 ຈາກນັ້ນທັງສອງຝ່າຍບໍ່ສາມາດເຮັດປະຕູໄດ້ ຈົບເກມລາວເອົາຊະນະ ບຣູໄນໄປ 2-1 ປະຕູ ເກັບ 3 ຄະແນນທຳອິດ.