ອີງຕາມການລາຍງານຂອງ ສະມາຄົມອາສາກູ້ໄພ ນະຄອນຫຼວງວຽງຈັນໄດ້ໃຫ້ຮູ້ວ່າ ໜ່ວຍງານກູ້ໄພແຕ່ລະໜ່ວຍໃຫ້ສູມສຸດຄວາມພະຍາຍາມ ເພື່ອຄົ້ນຫາຮ່າງຂອງນ້ອງນັກຮຽນທີ່ຈົມນ້ຳ ໃນເຫດການເຮືອບັກຫຼົ້ມ ເມື່ອຕອນເຊົ້າວັນທີ 26 ພຶດສະພາທີ່ຜ່ານມາ ໂດຍໄດ້ເຝົ້າເວນຍາມເປັນຈຸດໆ ແລະຄົ້ນຫາທາງໜ້ານ້ຳ ທັງເວັນແລະຄືນ ແລະຫຼ້າສຸດສາມາດເກັບກູ້ຮ່າງເດັກນ້ອຍຜູ້ເສຍຊີວິດໄດ້ແລ້ວ 5 ຄົນ ທັງໝົດເປັນຜູ້ຍິງ. ທ່າມກາງຄວາມໂສກເສົ້າຂອງຜູ້ປົກຄອງ ແລະພໍ່ແມ່ປະຊາຊົນໃນເຂດດັ່ງກ່າວ ກໍຄືທຸກຄົນທີ່ຮູ້ຂ່າວນີ້.
ລາຍຊື່ຜູ້ທີ່ສາມາດເກັບກູໄດ້ແລ້ວມີຄື:
1. ນາງ ສີລຽນ ອາຍຸ 12 ປີ ບ້ານ ຫົວນາທົ່ງ ພົບເຫັນເວລາ 16:45
2. ນາງ ກົມ ອາຍຸ 12 ປີ ບ້ານ ຫົວນາ ທົ່ງ ພົບເຫັນເວລາ 21:40
3. ນາງ ແຄັດຕີ້ ອາຍຸ 10 ປີ ບ້ານ ຫົວນາທົ່ງ ພົບເຫັນເວລາ 23:40
4. ນາງ ກຸ້ງ ອາຍຸ 12 ປີ ບ້ານ ຫົວນາ ທົ່ງ ພົບເຫັນເວລາ 24:30
5. ນາງ ປະທຸມມາ ອາຍຸ 11 ປີ ບ້ານ ໂພນຂາມ ພົບເຫັນເວລາ 24:30
