ແບບນີ້ແຟນໆຜີສາດແດງໄດ້ລຸ້ນນຳກັນເມື່ອມີລາຍງານວ່າຜູ້ຈັດການສ່ວນຕົວຂອງ ຄຣິສຕິອາໂນ ໂຣນັນໂດ ປີກຊຸບຕາຂອງທີມເຣອັນ ມາດຣິດ ໄດ້ເດີນທາງໄປເຈລະຈາກັບຜີສາດແດງ ແມນຢູຯ ໄນເຕັດ ແລ້ວຄາດວ່າໂດ້ເອງກໍ່ສົນໃຈກັບໄປຮ່ວມທີມອີກຄັ້ງ
ອັນເຟຣໂດ້ ດູໂຣ້ ນັກຂ່າວຊື່ດັງຂອງສະເປນເປີດເຜີຍວ່າ ເມນເດສ ຜູ້ຈັດການຊື່ດັງຂອງ ໂຣນັນໂດໄດ້ເດີນທາງໄປທີ່ເມືອງແມນເຊັດເຕີແລ້ວແລະບໍ່ໄດ້ເຈລະຈາພຽງແຕ່ເລື່ອງ ດາວິດ ເດເກອາ ເທົ່ານັ້ນແຕ່ຍັງລົມເລື່ອງຂອງໂຣນັນໂດກັບແມນຢູນຳອີກ, ໂດຍທາງ ເດເກອາ ແລະ ໂຣນັນໂດ ມີຜູ້ຈັດການສ່ວນຕົວຄົນດຽວກັນແລະມີຄວາມເປັນໄປໄດ້ສູງທີ່ປີກຊາວໂປຣຕູເກສອາດຕັດສິນໃຈກັບໄປຮ່ວມງານກັບທີມຜີສາດແດງອີກຄັ້ງ
ນອກຈາກນີ້, ທີມຜີສາດແດງແມນຢູກໍ່ກຳລັງຕົກເປັນຂ່າວຢາກໄດ້ ແກເຣັດ ເບວ ລວມທັງ ໂຣນັນໂດ ເຂົ້າໄປເສີມທັບໃນຊັມເມີນີ້ແຕ່ເຊື່ອວ່າທາງສະໂມສອນຈະຕ້ອງຈັດການເລືອກຄົນໃດຄົນໜື່ງເຂົ້າຮ່ວມທີມພຽງຄົນດຽວເທົ່ານັ້ນ