ໃນເວລາປະມານ 21 : 30 ຂອງວັນທີ 26/05/2015 ໄດ້ມີເຫດການ ໂຈນ (ຍັງບໍ່ຮູ້ຈຳນວນລະອຽດ) ເຂົ້າມາປຸ້ນຮ້ານຂາຍເຄື່ອງມືສອງ ໃນເຂດບ້ານສົມສະຫງ່າ ເມືອງໄຊເສດຖາ ນວຈ.
ໂດຍຝ່າຍໂຈນມີປືນ ອາກາ 1 ກະບອກ ເປັນອາວຸດ, ແຕ່ໂຊກດີທີ່ເຈົ້າຂອງຮ້ານ ຮູ້ໂຕທັນ ຈຶ່ງໄດ້ຕໍ່ສູ້ກັບໂຈນ ໂດຍຝ່າຍເຈົ້າຂອງຮ້ານແມ່ນມີສອງຜົວເມຍ ຊ່ວຍກັນຕໍ່ສູ້, ຂະນະນັ້ນ ຜູ້ເປັນເມຍໄດ້ຕີໂຈນ ຈົນຫົວແຕກ ແລະ ຊາວບ້ານໃກ້ຄຽງໄດ້ມາຊ່ວຍກັນ ເຊິ່ງສາມາດຈັບໂຈນໄດ້ 1 ຄົນ.
ຂະນະນີ້ ຍັງຢູ່ໃນການສືບສວນຂອງເຈົ້າໜ້າທີ່ຕຳຫຼວດ.
ສ່ວນລາຍລະອຽດຈະລາຍງານເພີ່ມເຕີມໃນຂັ້ນຕໍ່ໄປ.
ຂອບໃຈ ພາບແລະຂ່າວຈາກ : ຊາວບ້ານສົມສະຫງ່າ
ທີ່ມາ: ສະມາຄົມນິຍົມລາວແລະໂທລະໂຄ່ງ