ໜັງສືພິມ ນິວຢອກໄທມ໌ ຂອງອາເມລິກາລາຍງານເມື່ອອາທິດທີ່ຜ່ານນີ້ວ່າແຫຼ່ງຂ່າວລະດັບສູງຂອງທີມງານຂອງ ຟຼອຍດ໌ ເມເວທເທີ ຈູເນີຍ ເປີດເຜີຍວ່າມີການເຈລະຈາຢ່າງເປັນທາງການແລ້ວເພື່ອໃຫ້ການຊົກລະຫວ່າງ ຟຼອຍດ໌ ເມເວທເທີ ຈູເນີຍ ກັບ ແມນນີ ປາກຽວ ຄັ້ງທີ 2 ໃນປີໜ້າໂດຍມີແນວໂນ້ມແລະມີຄວາມເປັນໄປໄດ້ສູງທີ່ສຸດ
ຖ້າຕົກລົງກັນໄດ້ຈະຊົກທີ່ເວທີມວຍໃນໂຮງແຮມ ເອັມຈີເອັມ-ເອອີຈີ ລາສເວກັສ ເຊີ່ງບັນຈຸຜູ້ເຂົ້າຊົມໄດ້ 20,000 ຄົນ ແລະ ໄດ້ກຳນົດມື້ຊົກໃນວັນເສົາວັນທີ 7 ພຶດສະພາ 2016 ເຊີ່ງຈະມີການກິດຈະການໂຮງແຮມ, ກາສິໂນ, ສວນສະໜຸກ ແລະສະໜາມກິລາໃນຮົ່ມທີ່ທັນສະໃໝແລະໃຫຍ່ທີ່ສຸດຂອງໂລກ