ການແຂ່ງຂັນພຣີເມຍລີກ ອັງກິດ ລະດູການ 2014-2015 ນັດທີ 37 ປະຈຳວັນເສົາທີ 16 ພຶດສະພາ 2015 ມີລົງສະໜາມ 7 ຄູ່: ເຊົາແຮມຕັນ ພົບ ແອສຕັນ ວິນລາ, ຊັນເດີແລນ ພົບ ເລສເຕີ ຊີຕີ, ສະເປີ ພົບ ຮັນ ຊີຕີ, ເວສແຮມ ພົບ ເອັບເວີຕັນ, ເບີນລີ ພົບ ສະໂຕກ, ຄວີນສະປາກ ພົບ ນິວຄາສເຊີນ ແລະ ລິເວີພູ ພົບ ຄຣິສຕັນ ພາເລຊ
ເຊົາແຮມຕັນ ທີມອັນດັບ 7 ມີ 57 ຄະແນນຈາກ 36 ນັດ ຊະນະ 1 ນັດ ຈາກ 5 ນັດຫຼັງສຸດແລະບຸກໄປເສຍໃຫ້ ເລສເຕີ 0-2 ເຮັດໃຫ້ບໍ່ຊະນະໃຜມາ 4 ນັດແລ້ວ ນັດນີ້ລົງຫຼີ້ນໃນຖີ່ນຕົວເອງ ໂຮນັນ ຄູມັນ ຫວັງ 3 ຄະແນນ ເພື່ອລຸ້ນອັນດັບ 5 ໄປຫຼີ້ນຢູໂຣປາລີກໃນລະດູການໜ້າໃຫ້ໄດ້
ແອສຕັນ ວິິນລາ ທີມອັນດັບ 14 ມີ 38 ຄະແນນຈາກ 36 ນັດ ຊະນະ 3 ຈາກ 5 ນັດ ຫຼ້າສຸດເປີດບ້ານເອົາຊະນະ ເວສແຮມ 1-0 ແລະໃນນັດນີ້ ທິມ ເຊີວູດ ຂໍເອົາ 3 ຄະແນນ ເພື່ອໃຫ້ລອດຈາກການຕົກຊັ້ນແຕ່ຖ້າສະເໝີຫຼືເສຍອາດລຸ້ນໜີຕົກຊັ້ນໃນນັດສຸດທ້າຍ
ສະໜາມ: ເຊນ ແມຣີ່ ສະເຕດ້ຽມ
ບັນຈຸຜູ້ຊົມໄດ້: 32,689 ຄົນ
ຜູ້ຕັດສິນ: ໂຣເບີດ ແມັດລີ່
ເວລາເຕະ: 18:45 ນາທີ