ວັນທີ 6 ມີນາ 2013 ທີ່ໂຮງແຮມລາວພລາຊາ ໄດ້ມີພິທີພົບປະສອງຝ່າຍລະຫວ່າງຄະນະຜູ້ແທນຝ່າຍລາວ ນຳໂດຍທ່ານ
ອາລຸນແກ້ວ ກິດຕິຄຸນ ລັດຖະມົນຕີຊ່ວຍວ່າການ ກະຊວງການຕ່າງປະເທດ ແລະ ຄະນະຜູ້ແທນສາທາລະນະລັດເຊີເບຍ ນຳ
ໂດຍທ່ານນາງ ຣົກຊັນດາ ນິນກິກ (Roksanda Nincic) ຜູ້ຊ່ວຍລັດຖະມົນຕີວ່າການ ກະຊວງການຕ່າງປະເທດ ດ້ານການ
ຮ່ວມມືຫຼາຍຝ່າຍ ແຫ່ງສາທາລະນະລັດເຊີເບຍ ພ້ອມຄະນະ ໃນໂອກາດເດີນທາງເຂົ້າຮ່ວມກອງປະຊຸມບັນດາປະເທດກຳລັງພັດ
ທະນາ ທີ່ບໍ່ມີຊາຍແດນຕິດກັບທະເລ ແຕ່ວັນທີ 57 ມີນາ 2013.
ການພົບປະຄັ້ງນີ້ ທັງສອງຝ່າຍແມ່ນໄດ້ປຶກສາຫາລື ແລະ ຕີລາຄາຄືນສາຍພົວພັນ ແລະ ການຮ່ວມມື ເພື່ອເປັນການເສີມຂະ
ຫຍາຍສາຍພົວພັນຂອງທັງສອງປະເທດ ໂດຍສະເພາະແມ່ນເປັນການຜັນຂະຫຍາຍຜົນສຳເລັດຂອງການຢ້ຽມຢາມ ສປປ ລາວ
ຂອງທ່ານ ອີວານ ເມິກິກ ລັດຖະມົນຕີຊ່ວຍວ່າການກະຊວງການຄ້າຕ່າງປະເທດເຊີເບຍ ໃນໄລຍະວັນທີ 2225 ກຸມພາ 2013
ເພື່ອເປັນການຊຸກຍູ້ເຮັດໃຫ້ສາມາດເຊັນເອກະສານຮ່ວມມືທາງດ້ານວັດທະນະທຳ ສັນຍາ ສົ່ງເສີມ ແລະ ການລົງທຶນສັນ ຍາຍົກ
ເວັ້ນການເກັບພາສີຊ້ຳຊ້ອນ ແລະ ຫຼັກການເສຍອາກອນລາຍໄດ້ ແລະ ຍົກເວັ້ນວີຊາການທູດ ແລະ ລັດຖະບານ ພ້ອມນັ້ນ ທັງ
ສອງຝ່າຍຢືນຢັນຈະໃຫ້ການຮ່ວມມືເຊິ່ງກັນ ແລະ ກັນ ໃນເວທີສາກົນ ແລະ ອື່ນໆ.
ທີ່ມາhttp://www.vientianemai.net