ການແຂ່ງຂັນລາວພຣີເມຍລີກ 2015 ໃນອາທິດນີ້ ກ້າວເຂົ້າສູ່ອາທິດທີ 10 ຂອງການແຂ່ງຂັນ ເຊິ່ງແຂ່ງຂັນໃນວັນອາທິດ 10 ພຶດສະພາ ເວລາ 17:00 ສະໂມສອນ ໄຟຟ້າລາວ ພົບ ສະໂມສອນ ສະຫວັນ ແຂ່ງຂັນຢູ່ທີ່ສະຫນາມສະໂມສອນ ລ້ານຊ້າງຢູໄນເຕັດ ບ້ານຫນອງໄຮ
ໃນເຄີ່ງເວລາທຳອິດ ສະໂມສອນ ໄຟຟ້າລາວ ຂື້ນນຳກ່ອນ 2-0 ໃນນາທີທີ່ 22 ແລະ ນາທີທີ່ 45ໂດຍການຍິງຂອງ BURNEL OKANA
ໃນເຄີ່ງເວລາທີ 2 ທັງສອງສະໂມສອນຫຼີ້ນບານກັນຢ່າງດຸເດືອດແລະໃນນາທີທີ່ 63 ສະໂມສອນ ສະຫວັນ ກໍ່ຕີໄຂ່ແຕກໂດຍການຍິງຂອງ SOUMAH IDRISSA ເຮັດໃຫ້ຖືກສະໂມສອນ ໄຟຟ້າລາວນຳຢູ່ 2-1 ປະຕູ
ກ່ອນທີ່ຈະໝົດເວລາຍັງອີກ 6 ນາທີສຸດທ້າຍສະໂມສອນສະຫວັນກໍ່ຕີສະເໝີໄດ້ໂດຍການຍິງຂອງ BOUNPHACHAN BOUNKONG ໃນນາທີທີ່ 84 ເຮັດໃຫ້ສະເໝີກັນ 2-2 ແຕ່ໃນຄວາມດີໃຈຢູ່ນັ້ນເຮັດໃຫ້ສະໂມສອນ ສະຫວັນ ພາດທ່າໃຫ້ກັບ ໄຟຟ້າລາວ ເຮັດໃຫ້ BURNEL OKANA ຍິງເຂົ້າໄປໃນນາທີທີ່ 85 ເຮັດແຮັດທຣິກໄດ້ສຳເລັດ
ຈົບເກມການແຂ່ງຂັນສະໂມສອນ ໄຟຟ້າລາວ ເອົາຊະນະ ສະໂມສອນ ສະຫວັນໄປໄດ້ 3-2 ປະຕູ ເຮັດໃຫ້ ໄຟຟ້າລາວ ຍ້າຍອັນດັບມາຢູ່ທີ 5 ຂອງຕາຕະລາງ ມີຢູ່ 10 ຄະແນນ