ການແຂ່ງຂັນລາວພຣີເມຍລີກ 2015 ໃນອາທິດນີ້ ກ້າວເຂົ້າສູ່ອາທິດທີ 10 ຂອງການແຂ່ງຂັນ ເຊິ່ງແຂ່ງຂັນໃນວັນເສົາ 9 ພຶດສະພາ ແຂ່ງຂັນຢູ່ທີ່ສະຫນາມກິລາແຫ່ງຊາດຫລັກ 16

ສະໂມສອນ ເອສຣາ ທີມອັນດັບ 10 ຂອງຕາຕະລາງຄະແນນ ເປີດບ້ານຕ້ອນຮັບທີມອັນດັບສຸດທ້າຍ ສະໂມສອນ ໄອດີຊີ ຈໍາປາສັກ ຢູໄນເຕັດ .
ການແຂ່ງຂັນໃນນັດນີ້ ເຈົ້າຖິ່ນ ເອສຣາ ຂາດນັກເຕະຕົວຫລັກ ເຖິງ 2 ຄົນເນື່ອງຈາກຕິດໂທດຫ້າມແຂ່ງຂັນ ຄື : ທັດສະຍາ ພຸດທະວົງ ແລະ JAEPIL SHIN ນັກເຕະ ສ.ເກົາຫລີ . ຂະນະທີ່ ທີມ ມາຢາມ ໄອດີຊີ ຈໍາປາສັກ ຢູໄນເຕັດ ຍັງຂາດ ສັງວອນ ພິມມະເສນ ແລະ ອຸດົມສິດ ສິງລາດສົມບູນ.
ເລີ່ມເກມໄດ້ພຽງ 2 ນາທີ ໄອດີຊີ ຈໍາປາສັກ ຢູໄນເຕັດ ໄດ້ປະຕູຂຶ້ນ
ນໍາຢ່າງໄວວາຈາກ AMIDU SESAY ຊາວ SIERRA LEONE .
ຫລັງຈາກເສຍປະຕູເກມສ່ວນໃຫຍ່ກໍຕົກເປັນຂອງ ເອສຣາ ແຕ່ກໍບໍ່ຜ່ານມືຂອງ PHAN TROUNG AN ຜູ້ຮັກສາປະຕູ ໄອດີຊີຈໍາປາສັກ ຢູໄນເຕັດ . ຈົບເຄິ່ງເວລາທໍາອິດ ໄອດີຊີ ຈໍາປາສັກ ຢູໄນເຕັດ ນໍາ ເອສຣາ 1-0 .

ເລີ່ມເກມເຄິ່ງເວລາທີ 2 ໄອດີຊີຈໍາປາສັກ ມາໄດ້ປະຕູຈາກລູກຍິງໄກຂອງ ພອນເພັດ ສີຫາບຸດ ອະດີດນັກກິລາຟຸດຊໍທີມຊາດລາວ .
ໃນນາທີ 73 AMIDU SESAY ມາຍິງປະຕູທີ 2 ໃຫ້ກັບໂຕເອງໃນນັດນີ້ເຮັດໃຫ້ ໄອດີຊີ ຈໍາປາສັກ ຢູໄນເຕັດ ຂຶ້ນນໍາ ເອສຣາ 3-0 .
ຖັດມານາທີ 75 ເອສຣາ ໄດ້ປະຕູຕີ່ໄຂ່ແຕກຈາກ ການສະກັດບານ ເຂົ້າປະຕູຕົວເອງຂອງ ບໍ່ກີ້ ພາບຸນມີ .
ໄລຍະທົດເວລາບາດເຈັບໄອດີຊີ ຈໍາປາສັກ ຢູໄນເຕັດ ມາໄດ້ປະຕູຂຶ້ນນໍາ 4-1 ຈາກ PATTRICK ONYEAGHALA ກອງຫນ້າ ຊາວໄນຈີເຣຍ . ຈົບເກມ ໄອດີຊີ ຈໍາປາສັກ ຢູໄນເຕັດ ບຸກມາຊະນະ ເອສຣາ ເຖິງຖິ່ນ 4-1 ພ້ອມແຊງ ເອສຣາ ຂຶ້ນມາຢູ່ອັນດັບ 10 . ຫລັງຈາກລົງສະຫນາມ 7 ນັດ ມີ 6 ຄະແນນ . ຂະນະ ທີ່ ເອສຣາ ລົງສະຫນາມ 8 ນັດ ມີ 4 ຄະແນນ .
ສໍາລັບນັດຕໍ່ໄປ ສະໂມສອນ ໄອດີຊີ ຈໍາປາສັກ ຈະອອກມາຢາມ
ສະໂມສອນ ເອັສເຮັສບີ ວຽງຈັນ ໃນວັນທີ 16 ພຶດສະພາ ແຂ່ງຂັນໃນເວລາ 17:00

Credit: Lao Premier league