ໃນວັນທີ 7 ພຶດສະພານີ້, ຢູ່ກະຊວງການເງິນໄດ້ມີການປຶກສາຫາລືລະຫວ່າງການ ນໍາກະຊວງການເງິນນໍາໂດຍທ່ານດຣລຽນທິແກ້ວລັດຖະມົນຕີວ່າການກະຊວງ ການເງິນ ແລະ ທ່ານນາງເຂັມມະນີພົນເສນາລັດຖະມົນຕີວ່າການກະຊວງອຸດ ສາຫະ ກໍາ ແລະ ການຄ້າ, ເພື່ອຮ່ວມກັນຊອກຫາຊ່ອງທາງໃນການປັບປຸງກົນ ໄກຄຸ້ມ ຄອງເ ສດຖະກິດມະຫາພາກ, ຕາມພາລະບົດບາດຂອງສອງກະຊວງ ໃຫ້ມີຄວາມກົມ ກຽວກັນທັງເປັນການສ້າງເງື່ອນໄຂຊຸກຍູ້ການເກັບລາຍຮັບງົບປະມານໃຫ້ມີປະສິດທິຜົນຫລາຍຂຶ້ນກວ່າເກົ່າ. ໂດຍສອງຝ່າຍໄດ້ເນັ້ນໃສ່ບັນຫາສໍາຄັນເປັນຕົ້ນ:ການຄຸ້ມຄອງການຂາຍໄມ້ລະຫວ່າງຂະແໜງອຸດສາຫະກໍາ-ການຄ້າແລະຂະແໜງການເງິນ, ການຄຸ້ມຄອງຫົວໜ່ວຍທຸລະກິດເຊັ່ນ: ການຂຶ້ນທະບຽນ, ການຕໍ່ທະບຽນ, ການຂຶ້ນປ້າຍວິສາຫະກິດ, ການຄຸ້ມຄອງພາຍ
ຫລັງໄດ້ຮັບທະບຽນວິສາຫະກິດ, ການກວດກາການຄ້າຂາອອກ-ຂາເຂົ້າ, ການອອກອະນຸຍາດນໍາເຂົ້າພາຫະນະ, ການຢັ້ງຢືນ ແຫລ່ງກໍາເນີດສິນຄ້າ, ການອອກແຜນການຜະລິດຂອງບັນດາໂຮງງານ, ການອອກໃບຢັ້ງຢືນມາດຕະຖານໂຮງງານຜະລິ ດນ້ຳມັນດໍາ, ການກໍານົດດ່ານນໍາເຂົ້ານ້ຳມັນເຊື້ອໄຟ, ການອອກໃບຟອມສິນຄ້າມາແຕ່ຕ່າງປະເທດ, ການຄຸ້ມຄອງການຄ້າ ຂາຍເຖື່ອນຢູ່ຂອດຈໍາໜ່າຍພາຍໃນປະເທດ, ສິນຄ້າຟຸ່ມເຟືອຍເຊັ່ນ: ເຫລົ້າ, ເບຍ, ຢາສູບ, ເຄື່ອງດື່ມຊູກໍາລັງ ແລະ ການດັດສົມຮ້ານຂາຍລົດ, ທຸລະກິດຂາຍຍົກ, ຂາຍຍ່ອຍ ແລະ ສາງສິນຄ້າອື່ນໆ.
ແຫລ່ງຂ່າວ: ລາວພັດທະນາ