ບາເຊໂລນາ ຖະຫຼົ່ມ ບາເຢີນ ມິວນິກ 3-0 ຈາກການຍິງປະຕູຂອງ ລິໂອເນວ ເມດສ໌ຊີ ( 2 ປະຕູ ) ແລະ ເນມາ ທີ່ສະໜາມ ຄຳປ໌ ນູ ເມື່ອຄືນວັນພຸດທີ 6 ພຶດສະພາທີ່ຜ່ານມາໃນການແຂ່ງຂັນ ຢູຟາ ແຊ້ມປຽນລີກ 2014-2015
ສຽງໝາກຫວີດດັງຂື້ນທັງສອງຝ່າຍຫຼີ້ນບານກັນສັ້ນໆເນັ້ນຄວາມແນ່ນອນບຸກກັນໄປບຸກກັນມາຢ່າງດຸເດືອດແຕ່ກໍ່ໝົດເຄິ່ງເວລາທຳອິດສະເໝີກັນໄປ 0-0
ມາລຸຍກັນຕໍ່ເຄີ່ງເວລາທີ 2 ຮູບເກມຍັງສູສີທັງສອງທີມຕ່າງທັນກັນຈົນເກືອບບໍ່ມີລຸ້ນປະຕູອລະເມື່ອເຖິງນາທີ 77 ກອງເຊຍເຈົ້າຖີ່ນສົ່ງສຽງໂຮ ດານີ່ ອັນເວດສ໌ ຕັດບານມາທາງດ້ານຂວາໄຫຼເຂົ້າກາງໃຫ້ ເມດສ໌ຊີ ຕ້ອງປ້ອມຍິງໄລຍະປະມານ 20 ຫຼາ ບຽດເສົາທຳອິດ ຕໍ່ມາອີກ 3 ນາທີ ບາຊາ ຖິ້ມຫ່າງ ເມດສ໌ຊີ ໄດ້ບານຈາກທາງຂວາລ້ຽງເຂົ້າເຂດໂທດແຕ່ງຫຼົບ ເຊີໂຣມ ບົວເຕັງ ເກືອບລົ້ມທັງຢືນກ່ອນດີດຂ້າມແບບເບົາໆຂ້າມ ມານູເອວ ນອຍເອີ ເຂົ້າໄປແບບສວຍງາມ
ໄລຍະທົດເວລາບາດເຈັບແນວຮັບ ບາເຢີນ ຂື້ນສູງເກີນໄປຈົນເຮັດໃຫ້ສູນເສຍຈາກເກມສວນກັບ ເມດສ໌ຊີ ສົ່ງບານມາທາງຊ້າຍໃຫ້ ເນມາ ຫຼຸດດ່ຽວເຄີ່ງສະໜາມ ແປລອດຂາ ມານູເອວ ນອຍເອີ ເຂົ້າໄປຢ່າງສວຍງາມ ໝົດເວລາ ບາເຊໂລນາ ຊະນະ 3-0 ກ່ອນທີ່ຈະໄປພົບກັນອີກຄັ້ງທີ່ສະໜາມ ອາລິອັນ ອາລີນາ ວັນອັງຄານທີ 12 ພຶດສະພາ 2015