ມານູເອວ ເປເຢກຣິນີ ເທຣນເນີຊາວຊິລີອາຍຸ 61 ປີອອກມາເວົ້າຫຼັງຈົບເກມບຸກໄປຊະນະ ສະເປີ 1-0 ເຖິງ ເຊວຊີ ທີ່ເປັນແຊ້ມວ່າບໍ່ມີສະເໜ່ ຜິດກັບຕອນທີ່ຕົວລາວພາແມນ ຊິຕີ ເປັນແຊ້ມເມື່ອປີກາຍ ທີ່ຫຼິ້ນໄດ້ມ່ວນແລະມັນຍິງໄດ້ຫຼາຍກວ່ານີ້

ການແຂ່ງຂັນບານເຕະພຣີເມຍ ລີກ ອັງກິດ ລະດູການ 2014-2015 ນັດທີ 35 ເມື່ອວັນອາທິດທີ່ 3 ພຶດສະພາທີ່ຜ່ານມາ ແມນຯ ຊິຕີ ແຊ້ມເກົ່າບຸກໄປຊະນະ ທອດແນມ ຮອດສະເປີ 1-0 ໂດຍໄດ້ປະຕູຈາກ ເຊຄິໂອ ອະເກວໂຣ່ ຫຼັງຈົບການແຂ່ງຂັນ ເຊຄິໂອ ອະເກວໂຣ່ ໃຫ້ສຳພາດວ່າ:
“ຂ້ອຍຍັງບໍ່ໄດ້ຄິດເຖິງເລື່ອງໄລຍະຫ່າງແນ່ນອນວ່າສີ່ງທີ່ ເຊວຊີ ເຮັດໄດ້ໃນປີນີ້ຄືກັນກັບທີ່ພວກເຮົາເຮັດໃນປີກາຍ ພວກເຂົາໄດ້ແຊ້ມພຣີເມຍລີກ ແລ້ວກໍ່ລີກຄັບປີກາຍນີ້ພວກເຮົາກໍ່ເຮັດໄດ້ຄືກັນ ຍິງໄດ້ຫຼາຍກວ່າອີກ ມັນສຳຄັນຫຼາຍສຳລັບພຣີເມຍລີກ ແລະ ແຟນບານໃນການຫຼີ້ນໃຫ້ມີສະເໜ່ ລະດູການທີ່ແລ້ວພວກເຮົາຍິງໄປ 158 ລູກ ແບ່ງເປັນ 101 ລູກໃນລີກເຊີ່ງສະໄຕນັ້ນກໍ່ຍັງຄົງດຳເນີນມາຕະຫຼອດ”
“ທຸກໆປີຈະມີ 5 ທີມທີ່ສຳຄັນແລະພວກເຂົາມີໂອກາດທີ່ຈະຄວ້າແຊ້ມຂ້ອຍຫວັງວ່າພວກເຮົາຈະຍັງຄົງດຳເນີນໄປແບບນີ້ເລື້ອຍໆຄື 4 ປີກ່ອນ ຄື 2 ປີພວກເຮົາໄດ້ແຊ້ມ ອີກ 2 ປີພວກເຮົາເປັນຮອງແຊ້ມທຸກສະໂມສອນພະຍາຍາມທີ່ຈະພັດທະນາຂື້ນມາ ແຕ່ພວກເຮົາກໍ່ບໍ່ສາມາດພັດທະນາເພື່ອທີ່ຈະເອົາຊະນະທີມ ແມນຢູຯ, ເຊວຊີ, ອາເຊນອນ ຫຼື ລິເວີພູ ໄປໄດ້ຕະຫຼອດ ເມື່ອຈົບລະດູການພວກເຮົາຈີ່ງໄດ້ມາວິເຄາະກັນວ່າແມ່ນຫຍັງຄວນປັບປຸງເພື່ອລຸ້ນແຊ້ມປີໜ້າ”