ໃນຕອນເຊົ້າຂອງວັນທີ 27 ກຸມພາ 2013 ທີ່ວັດພຸດທະສະຖານທຳມະເທວາສັນຕະຈິດໂຕ ບຸບຜາວາຣະຣາມ (ບ້ານໂພນສະ
ຫວັນ ເມືອງໄຊທານີ ນະຄອນຫຼວງວຽງຈັນ) ນຳໂດຍພຣະອາຈານ ພົງສະຫວັນ ອານຸສິມ ສັນຕະຈິດໂຕ ເຈົ້າອະທິການວັດ ໄດ້
ນຳເອົາເຄື່ອງນຸ່ງຫົ່ມຈຳນວນ 80 ແກັດ ມູນຄ່າ 40 ກວ່າລ້ານກີບ ທີ່ໄດ້ຮັບບໍລິຈາກຂອງບໍລິສັດ ບູຢອງ ຈຳກັດ ເພື່ອຊ່ວຍເຫຼືອ
ປະຊາຊົນຜູ້ທຸກຍາກຢູ່ແຂວງຫຼວງນ້ຳທາ ໂດຍແມ່ນທ່ານ ມິນ ສີວິໄລ ຫົວໜ້າສາຂາມູນນິທິຊ່ວຍເຫຼືອຄົນທຸກຍາກປະຈຳແຂວງ
ຫຼວງນ້ຳທາ ເປັນຜູ້ກ່າວຮັບ ເຄື່ອງດັ່ງກ່າວມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ສາຂາຫຼວງນ້ຳທາ ໄດ້ເຄື່ອນໄຫວ
ຕາມພາລະບົດບາດໃນການຊ່ວຍເຫຼືອປະຊາຊົນຜູ້ທຸກຍາກ ຜູ້ເສຍອົງຄະຕ່າງໆ ຕາມເງື່ອນໄຂທີ່ໄດ້ຮັບບໍລິຈາກ ເປັນຕົ້ນແມ່ນໄດ້
ຮັບບໍລິຈາກເຄື່ອງນຸ່ງຫົ່ມຈາກບໍລິສັດ ບູຢອງ ຈຳກັດ ຫຼາຍຄັ້ງ ມາເຖິງປັດຈຸບັນໄດ້ມອບໃຫ້ແຂວງພາກກາງ ແລະ ພາກໃຕ້ ແລະ
ຈະສືບຕໍ່ມອບໃຫ້ແຂວງພາກເໜືອ ນອກນັ້ນຍັງໄດ້ມອບໃຫ້ອົງການຈັດຕັ້ງຂອງລັດຈຳນວນໜຶ່ງ ໂດຍແມ່ນພະນັກງານລົງຮາກ
ຖານຕາມທ້ອງຖິ່ນຕ່າງໆ ແລະ ໄດ້ນຳເອົາເຄື່ອງດັ່ງກ່າວ ໄປແຈກຍາຍໃຫ້ປະຊາຊົນຜູ້ທຸກຍາກ ຕາມເງື່ອນໄຂຕົວຈິງ.
ທີ່ມາhttp://www.vientianemai.net