ຖືຖ້ວຍແຊ້ມພຣີເມຍລີກລໍຖ້າແລ້ວສຳລລັບ ເຊວຊີ ຫຼັງຈາກທີ່ເອົາຊະນະ ຄຣິດສ໌ຕັນ ພາເລດຊ໌ ໄປຢ່າງຫວຸດຫວິດ 1-0 ຈາກການຍິງປະຕູຂອງ ເອດອງ ຮາຊາ ເຮັດໃຫ້ທີມໄດ້ 3 ຄະແນນ ແລະ ຄວ້າແຊ້ມສະໄໝທີ 5 ໄປຄອງ
ການແຂ່ງຂັນບານເຕະພຣີເມຍລີກ ອັງກິດ ລະດູການ 2014-2015 ປະຈຳວັັນອາທິດທີ 3 ພຶດສະພາທີ່ຜ່ານມາ ເປັນນັດທີ່ຫຼາຍຄົນໃຫ້ຄວາມສົນໃຈເປັນພິເສດຄົງໜີບໍ່ພົ້ນການແຂ່ງຂັນທີ່ສະໜາມ ສະແຕມຟອດ ບຣິດຈ໌ ເຊວຊີ ທີມຈ່າຝູງເປີດບ້ານຕ້ອນຮັບ ຄຣິດສ໌ຕັນ ພາເລດຊ໌ ທີມອັນດັບທີ 12 ຂອງຕາຕະລາງເຊີ່ງຖ້ານັດນີ້ເຈົ້າບ້ານຊະນະໄດ້ 3 ຄະແນນຈະໄດ້ເປັນແຊ້ມທັນທີ
ແລະ ເປັນ ເອດອງ ຮາຊາ ທີ່ສວມບົດບາດທີ່ຊ່ວຍໃຫ້ເຊວຊີເປັນແຊ້ມລີກສູງສຸດຂອງອັງກິດ ນັ້ນກໍ່ຄືພຣີເມຍ ລີກ ອັງກິດ ສະໄໝທີ 5 ໄປຄອງຮຽບຮ້ອຍແລ້ວ