ຈົບລົງໄປມື້ວານນີ້ ກັບເສິກກຳປັ້ນສະທ້ານໂລກາ ລະຫວ່າງປາກຽວ ແລະຟລອຍດ໌ ເມເວດເທີ ຢ່າງທີ່ຮູ້ກັນວ່າຜົນການຕັດສິນນັ້ນ ຂ້າງຜິດກັບຄວາມຄາດໝາຍຂອງຜູ້ຊົມ ແຕ່ເຮົາກໍລອງມາເບິ່ງນຳກັນແຕ່ລະຍົກ ກຳມະການໄດ້ໃຫ້ຄະແນນຈັ່ງໃດແດ່:
ນີ້ຄືໃບຄະແນນ ຂອງກຳມະການ ຜູ້ໃຫ້ຄະແນນທັງ 3 ຄົນ ມາເບິ່ງນຳກັນວ່າແຕ່ລະຍົກເປັນຈັ່ງໃດ?
ເລິ່ມຈາກຊ້າຍສຸດເປັນໃບໃຫ້ຄະແນນ ຂອງ ເກລັນ ເຟລແມນ (ຄົນສະຫະລັດ) ທີ່ຄະແນນລວມໃຫ້ຟລອຍດ໌ ຊະນະ ປາກຽວ 116-112
ສ່ວນເຄິ່ງກາງ ເປັນຂອງ ເບິຟ ເຄລມອງ (ຄົນສະຫະລັດ) ໃຫ້ຟລອຍດ໌ ຊະນະ 116-112 ແລະ ເດຟ ມໍເຣດຕິ (ຄົນສະຫະລັດ) ໃຫ້ຟລອຍດ໌ ຊະນະຂາດລອຍ 118-110
ເຊິ່ງຈະເຫັນໄດ້ວ່າຄະແນນນັ້ນ ກຳມະການໃຫ້ຟລອຍດ໌ຊະນະຂາດເລີຍ ແຕ່ເໜືອສິ່ງອື່ນໃດກໍບໍ່ເທົ່າ ຖ້າທ່ານໄດ້ຮູ້ລາຍໄດ້ຂອງສອງຄົນນີ້ ແລ້ວຈະຕົກໃຈ ວ່າເປັນຫຍັງການຊົກຈຶ່ງໄດ້ຍືດເຍື້ອ ຫຼືອາດຈະມີຫຍັງແອບແຝງ
ໂດຍເງິນຄ່າຊົກຢູ່ທີ່ 300 ລ້ານໂດລ່າສະຫະລັດ ໂດຍແບ່ງເປັນ 60/40 ໃຫ້ຟລອຍດ໌ 60 ແລະ ປາກຽວ 40 ແຕ່ຕ້ອງຊົກໃຫ້ຄົບ 12 ຍົກເທົານັ້ນ ຈຶ່ງຈະໄດ້ແບບນີ້. ເພາະຄ່າເມື່ອຍຈະຈ່າຍເງິນຕາມຍົກ ທີ່ໄດ້ຊົກກັນນັ້ນເອງ ຖ້າຊົກກັນດົນກໍຍິ່ງໄດ້ຫຼາຍ ເພາະນີ້ຄືທຸລະກິດ ການຊົກຫຼາຍຍົກກໍຈະເຮັດໃຫ້ມີໂອກາດ ຂາຍໂຄສະນາຫຼາຍຂຶ້ນນັ້ນເອງ.
ແລ້ວເຮົາມາເບິ່ງນຳກັນເບິ່ງວ່າ ຖ້າແບບນີ້ໃນແຕ່ລະຍົກໃຜຈະໄດ້ເງິນ ເທົ່າໃດກັນແທ້? ຟລອຍດ໌ ຈະໄດ້ຮັບຄ່າເມື່ອຍ $4,994,681 ຕໍ່ນາທີ ສ່ວນປາກຽວກໍຈະໄດ້ຮັບຄ່າເມື່ອຍ $3,329,787 ຕໍ່ນາທີ
ດັ່ງຕາຕະລາງຂ້າງລຸ່ມນີ້ ຈະເປັນການບອກວ່າ ແຕ່ລະຍົກໃຜໄດ້ເງິນເທົ່າໃດ ກໍລອງເອົາ 8,000(ກີບ) ໄປຄູນໃສ່ເບິ່ງເດີ
ເຫັນແບບນີ້ແລ້ວ ກໍເຂົ້າໃຈແລ້ວແມ່ນບໍວ່າ ເປັນຫຍັງເກມຈຶ່ງຍືດເຍື້ອແລະສົງໄສ ບໍ່ມີໃຜດອກທີ່ຈະໂງ່ຮີບຮ້ອນໃຫ້ການຊົກຈົບໄວ ເພາະເງິນເທົ່ານັ້ນ. ແລະກໍເຊື່ອວ່າຄູ່ນີ້ຈະຕ້ອງມີແມັດອີກແນ່ນອນ ແລະທັງສອງກໍໂກຍເງິນແລ້ວລວຍບໍ່ເຊົາ…