ຟລອຍດ໌ ເມເວດເທີ ຈູເນຍ ຍອດນັກຊົກອາເມລິກາ ທີ່ຫາກໍຊະນະຄະແນນ ແມນນີ່ ປາກຽວ ຈາກຟີລິບປິນ ໃນເຊົ້າຂອງວັນທີ 3 ພຶດສະພາ 2015 ບໍ່ທໍ່ໃດຊົ່ວໂມງ ໄດ້ອອກມາປະກາດສະຫຼະເຂັມຂັດ ທຸກເສັ້ນ ແລະຈະຂຶ້ນຊົກຄັ້ງສຸດທ້າຍ ໂດຍບໍ່ຕ້ອງອີງແຊ້ມໂລກສະຖາບັນໃດ ໃນເດືອນກັນຍາທີ່ຈະມາເຖິງນີ້.
ຫຼັງຈາກເມເວດເທີ ຊະນະຄະແນນປາກຽວ ຢ່າງເປັນເອກະສານ 118-110, 116-112 ແລະ 116-112 ເຮັດໃຫ້ໄດ້ຄອງເຂັມຂັດແຊ້ມໂລກ ລຸ້ນເວລເຕີເວດ 3 ສະຖາບັນ ທັ້ງສະມາຄົມມວຍໂລກ (WBA) ແລະເດິຣິງ (THE RING) ພ້ອມເພິ່ມສະຖິຕິຊະນະລວດ 48 ຄັ້ງ ບໍ່ມີເສຍ ແຖມຍັງມີລຸ້ນເຮັດສະຖິຕິຊະນະ 49 ຄັ້ງ ທຽບເທົ່າກັບ ຣັອກກີ້ ມາເຊຍໂນ່ ຕຳນານມວຍໂລກອະດີດແຊ້ມ ລຸ້ນເຮວີ່ເວດຜູ້ລ່ວງລັບ.
ແນວໃດກໍຕາມ ຫຼັງການຊົກບໍທັນຮອດມື້ ເມເວດເທີ ຊາວອາເມລິກາ ໄວ 38 ປີ ອອກມາປະກາດຢືນຢັນຊັອກໂລກວ່າ ຕົນຈະສະຫຼະສາຍແອວແຊ້ມໂລກທຸກເສັ້ນ ຢ່າງບໍ່ອາໄລອາວອນ ໂດຍເຂົາບອກວ່າ “ນັກຊົກຄົນອື່ນຈຳເປັນຕ້ອງໄດ້ຮັບໂອກາດ ຂ້ອຍບໍ່ແມ່ນຈອມໂລບ ມັນເຖິງເວລາແລ້ວ ທີ່ຈະເປີດທາງໃຫ້ນັກຊົກຄົນອື່ນ ຕໍ່ສູ້ເພື່ອສາຍແອວແຊ້ມປ້ຽນກັນແດ່” ຟລອຍດ໌ ຍັງລະບຸອີກວ່າ ຄັ້ງສຸດທ້າຍໃນເດືອນກັນຍາ ບໍ່ວ່າຈະຊົກກັບໃຜກໍຕາມ ຈະບໍ່ແມ່ນການຊົກທີ່ເດິມພັນແຊ້ມອີກຕໍ່ໄປ.

ສ່ວນເບື້ອງຫຼັງການຊົກຄັ້ງນີ້ ເປັນທີ່ເປີດເຜີຍທາງທະວິດເຕີ ຂອງ ປາໂກ້ ຟຣານຊິສໂກ້ ວັລຄາເຊລ ປະທານໃຫຍ່ອົງກອນມວຍໂລກ (WBO) ເຊິ່ງປາກຽວເປັນແຊ້ມກ່ອນການຊົກ ອອກມາເຜີຍວ່າ ການຊົກຄັ້ງນີ້ ເປັນທີ່ຕົກລົງກ່ອນໜ້າແລ້ວ ກໍລະນີຫາກຟລອຍດ໌ ເປັນຜູ້ຊະນະ ແຊ້ມໂລກ WBO ຈະວ່າງລົງ ນັ້ນໝາຍເຖິງເສິກຄັ້ງນີ້ ບໍ່ໄດ້ມີການຮັບຮອງຈາກຝັ່ງຂອງ ອົງກອນມວຍໂລກຕາມທີ່ເປັນຂ່າວ ແຕ່ຢ່າງໃດ.
ຂະນະດຽວກັນ ຫຼາຍກະແສຍັງຄົງວິພາກວິຈານ ເຖິງການຕັດສິນວ່າ ຂ້ອນຂ້າງຂັດກັບສາຍຕາ ເນື່ອງຈາກກຳມະການນັ້ນ ເປັນຄະນະຂອງ WBC ທັງຊຸດ ທັງນີ້ໃນອະດີດປປາກຽວກໍເຄີຍມີ ບັນຫາສ່ວນຕົວມາຕັ້ງແຕ່ຍຸກ ໂຮເຊ່ ສຸໄລມານ ປະທານໃຫຍ່ ຜູ້ລ່ວງລັບອີກດ້ວຍ ກ່ຽວກັບເລື່ອງການບໍ່ຍອມຈ່າຍຄ່າ ແຊງຊັ່ນຢ້ອນຫຼັງໃຫ້ສະພາມວຍໂລກ ເຊິ່ງອາດຈະເປັນສາເຫດ ໃຫ້ຟລອຍດ໌ ເປັນຜູ້ຊະນະໃຈກຳມະການ ຂາດລອຍດັ່ງກ່າວ.
ດ້ານອະດີດແຊ້ມໂລກຄົນດັງ ລຸ້ນເຮຟວີ່ເວດ ຄື ໄມຄ໌ ໄທສັນ ເຜີຍວ່າ ການຊົກຂອງມວຍຄູ່ນີ້ ຊ່າງໜ້າຜິດຫວັງ ຜົນຄະແນນທີ່ອອກມາບໍ່ຄວນ ຈະຫ່າງກັນຫຼາຍປານນັ້ນ ນັບວ່າບໍ່ຄຸ້ມຄ່າກັບການລໍຄອຍ ມາດົນເຖິງ 5 ປີ.