ການແຂ່ງຂັນບານເຕະພຣີເມຍລີກ ອັງກິດ ລະດູການ 2014/2015 ນັດທີ 35 ປະຈຳວັນເສົາທີ 2 ພຶດສະພາ 2015 ມີລົງສະໜາມເຕະກັນ 7 ຄູ່ດັ່ງນີ້: ເລດສ໌ເຕີ Vs ນິວຄາດເຊີນ, ລິເວີພູ Vs ຄວີນສະປາກ, ແອດສ໌ຕັນວິນລາ Vs ເອັບເວີຕັນ, ຊັນເດີແລນ Vs ເຊົາແຮມຕັນ, ສະວອນຊີ Vs ສະໂຕ໊ກ, ເວດສ໌ແຮມ Vs ເບີນລີ່, ແມນຢູ Vs ເວດສ໌ບອມວິດຊ໌
ແມນເຊັດເຕີ ຢູໄນເຕັດ ທີມອັນດັບທີ 4 ມີ 65 ຄະແນນຈາກ 34 ນັດຊະນະ 3 ນັດຈາກເກມໃນລີກ 5 ນັດຫຼັງສຸດ ໃນເກມທີ່ໄປແພ້ໃຫ້ ເອັບເວີຕັນ 0-3 ເປັນການແພ້ 2 ນັດຕໍ່ກັນ ນັດນີ້ກັບມາຫຼີ້ນໃນບ້ານຂອງໂຕເອງ ຫຼຸຍ ຟັນເກົາ ຫວັງຈະຊະນະຢ່າງດຽວເທົ່ານັ້ນເພື່ອລຸ້ນຂື້ນໄປເອົາຕຳແໜ່ງຮອງຈ່າຝູງອີກຄັ້ງໜື່ງ
ເວດສ໌ບອມວິດຊ໌ ທີມອັນດັບທີ 13 ມີ 37 ຄະແນນຈາກ 34 ນັດຫາກໍ່ຊະນະນັດດຽວຈາກເກມໃນລີກ 5 ນັດຫຼັງສຸດ ລ່າສຸດໄປສະເໝີ ລິເວີພູ 0-0 ເຮັດໃຫ້ບໍ່ແພ້ມາ 2 ເກມແລ້ວ ນັດອອກໄປເຢືອນ ໂທນີ ພູລິດສ໌ ພົບງານໜັກແນ່ນອນ ຜົນທີ່ສະເໝີໜ້າຈະເຮັດໃຫ້ແຟນບານພໍໃຈຢູ່ບໍ່ໜ້ອຍ
ສະໜາມ: ໂອນແທຣບຟອດ
ບັນຈຸຜູ້ຊົມໄດ້: 76,212 ບ່ອນນັ່ງ
ຜູ້ຕັດສິນ: ແອນໂທນີ ເທເລີ
ເວລາເຕະ: 23:30 ນາທີ