ນາ​ຍົກ​ລັດ​ຖະ​ມົນ​ຕີເນ​ປານ ເປີດ​ເຜີຍຍອດ​ຜູ້​ເສຍ​ຊີ​ວິດ​ຈາກ​ແຜ່ນ​ດິນ​ໄຫວ ທະ​ລຸ 5,057 ຄົນ ແລະ ບາດ​ເຈັບ​ກ່​ວາ 9 ພັນ​ຄົນ ຄາດ​ຜູ້​ເສຍ​ຊີ​ວິດ​ອາດ​ສູງ​ເກີນ 1 ໝື່ນ​ຄົນ.

ສຳ​ນັກ​ຂ່າວ​ຕ່າງ​ປະ​ເທດ ລາຍ​ງານ​ໃນ​ວັນ​ທີ 29 ເມ​ສາ​ນີ້​ວ່າ ທ່ານ ນາ​ຍົກ​ລັດ​ຖະ​ມົນ​ຕີ ຊູ​ຊິນ ຄອຍ​ຣາ​ລ່າ ຂອງ​ເນ​ປານ ໄດ້​ເປີດ​ເຜີຍ​ຂໍ້​ມູນ​ຕໍ່​ຜູ້​ສື່​ຂ່າວ​ຂອງ​ຕ່າງ​ປະ​ເທດ​ວ່າ ສຳ​ລັບ​ຍອດ​ຜ​ູ້​ເສຍ​ຊີ​ວິດ​ທີ່​ມີ​ການ​ຢືນ​ຢັນ​ຢ່າງ​ເປັນ​ທາງ​ການນັ້ນ ຈົນ​ຮອດ​ຕອນ​ຄ່ຳ​ຂອງວັນ​ອັງ​ຄານ (28 ເມ​ສາ) ຜ່ານ​ມາ​ນີ້ ແມ່ນ​ທະ​ລຸ 5,057 ຄົນ ແລະ ມີ​ຜູ້​ໄດ້​ຮັບ​ບາດ​ເຈັບຫລາຍ​ກ່​ວາ 9,000 ຄົນແລ້ວ ໂດຍຍອມ​ຮັບ​ວ່າ ຍອດ​ຜູ້​ເສຍ​ຊີ​ວິດ​ອາດ​ເກີນ 10,000 ຄົນ ເນື່ອງ​ຈາກ​ເລີ່ມ​ມີ​ການ​ພົບ​ສົບ​ຜູ້​ເສຍ​ຊີ​ວິດ​ໃນ​ພື້ນ​ທີ່​ຫ່າງ​ໄກ​ຫລາຍ​ຂຶ້ນ ຫລັງ​ຈາກ​ທີ່​ສາ​ມາດ​ເຂົ້າ​ເຖິງ​ພື້ນ​ທີ່​ເຫລົ່າ​ນັ້ນ​ໄດ້, ທ່ານ​ນາ​ຍົກ​ລັດ​ຖະ​ມົນ​ຕີ​ເນ​ປານ​ຍັງ​ກ່າວ​ຢ້ຳ​ອີກວ່າ ລັດ​ຖະ​ບານ​ເນ​ປານ ກຳ​ລັງ​ດຳ​ເນີນ​ການ​ທຸກວິ​ຖີ​ທາງ ເພື່ອ​ໃຫ້​ຄວາ​ມ​ຊ່ວຍ​ເຫລືອ ແລະ ບັນ​ເທົາ​ທຸກ​ໃຫ້​ກັບ​ປະ​ຊາ​ຊົນ​ຢ່າງ​ເຕັມ​ທີ່.