ເຊວຊີຂໍອີກພຽງ 6 ຄະແນນກໍ່ຈະຄວ້າແຊ້ມໃນລີກໃນລະດູການນີ້ໄປຄອງທັນທີ ຫຼັງຈາກທີ່ສະເໝີ ອາເຊນອນ 0-0
ເລີ່ມເກມມາ 15 ນາທີ ເຊວຊີເກືອບໄດ້ປະຕູກກ່ອນຈັງຫວະທີ່ ອິວາໂນວິດສົ່ງບານຍາວໃຫ້ ອອດສ໌ກາ ຫຼຸດໄປໜ້າປະຕູດີດບານຂ້າມຕົວ ອອດສ໌ປີນ່າ ກຳລັງຈະເຂົ້າປະຕູ ແຕ່ ເບເຢຣິນ ໂໝ່ງອອກຫຼັງໄປ
ນາທີ 23 ເຈົ້າບ້ານສຽວວາບ ເມື່ອ ເຊດສ໌ ຟາເບກາດສ໌ ຖືກ ຊານຕິ ກາຊໍລ່າ ສະກັດລົ້ມໃນເຂດໂທດແຕ່ ໄມເຄິນ ໂອລິເວີ ຕາໄວກ່ອນແຈກໃບເຫຼືອງໃຫ້ ຟາເບກາດສ໌ ຂໍ້ຫາເຈດຕະນາລົ້ມ
ນາທີ 33 ອາເຊນອນນ່າຈະໄດ້ຈຸດໂທດຈາກ ເອັກຕໍ ເບເຢຣິນ ສົ່ງໃຫ້ ຊານຕິ ກາຊໍລ່າ ຍິງໄປຖືກແຂນ ແກຣີ່ ເຄຮິວ ແຕ່ໄມເຄີນ ໂອລິເວີ ປ່ອຍໃຫ້ຫຼີ້ນຕໍ່
ນາທີ 37 ເຊວຊີມີລຸ້ນຈາກການຍິງຂອງ ຣາມິເຣດສ໌ແຕ່ກໍ່ບໍ່ຜ່ານມື ດາວິດ ອອດສ໌ປິນ່າ ຄວ້າບານໄວ້ໄດ້
ຈາກນັ້ນກໍ່ຍັງເຮັດຫຍັງກັນບໍ່ໄດ້ 45 ນາທີທຳອິດ ອາເຊນອນກັບເຊວຊີສະເໝີກັນຢູ່ 0-0
ກັບມາໃນເຄີ່ງເວລາທີ 2 ນາທີ 56 ເອດອງ ຮາຊາ ໄດ້ໂອກາດຍິງແຕ່ຂ້າມຄານໄປແບບບໍ່ມີລຸ້ນ
ນາທີ 68 ເຊວຊີເຄຼຍຟຣີຄິກຂອງອາເຊນອນບໍ່ຜ່ານບານເດັ້ງໄປເຂົ້າທາງ ແພຣ໌ ແມເຕຊັກເກີ ກ່ອນທີ່ຈະພາດຍິງອອກຫຼັງໄປແບບໜ້າເສຍດາຍ
ຊ່ວງທ້າຍເກມທັງສອງທີມຍັງເຮັດຫຍັງກັນບໍ່ໄດ້ຈົບເກມ 90 ນາທີ ອາເຊນອນເປີດບ້ານສະເໝີເຊວຊີ 0-0 ແບ່ງທີມລະແຕ້ມ