ແມນເຊັດເຕີ ຢູໄນເຕັດ ສະໂມສອນຂວັນໃຈມະຫາຊົນແຫ່ງເກະອັງກິດ ສະເໜີຄ່າຈ້າງ 200,000 ປອນດ໌ ຫຼື ປະມານ 240 ລ້ານກີບຕໍ່ອາທິດ ເຊີ່ງເປັນສະຖິຕິຜູ້ຮັກສາປະຕູລາຍໄດ້ແພງທີ່ສຸດຂອງໂລກມັດໃຈ ດາວິດ ເດ ເກອາ ຜູ້ຮັກສາປະຕູຊາວສະເປນຮັບໃຊ້ຕົ້ນສັງກັດຕໍ່ໄປ
ເປັນກະແສທີ່ ເດ ເກອາ ຈະກັບໄປເຝົ້າເສົາໃນບ້ານເກີດຮ່ວມທັບກັບ ເຣອັນ ມາດຣິດ ມະຫາອຳນາດແຫ່ງ ລາລີກາ ໃນຊັມເມີປີ 2016 ການເຈລະຈາຍັງຄົງຕໍ່ຍາວມາເຖິງປະຈຸບັນ ໃນຂະນະທີ່ ຫຼຸຍ ຟັນເກົາ ໄດ້ຍອມຮັບວ່າ ແມນຢູ ຍິນດີມອບຄ່າເມື່ອຍມູນຄ່າມະຫາສານ ດຶງຕົວປັກຫຼັກທີ່ ໂອນ ແທຣບຟອດ
ສັນຍາໃໝ່ຂອງ ຜີສາດແດງ ດຳນົດເງື່ອນໄຂຈ່າຍຄ່າແຮງ 180,000 ປອນດ໌ ຫຼື ປະມານ 216 ລ້ານກີບແພງກວ່າຜູ້ຮັກສາປະຕູແຖວໜ້າຂອງໂລກເຊັ່ນ: ໂຈ ຮາດ ຂອງແມນຊິຕີ, ຈິອັນລຸຍຈິ ບັບຟອນ ຂອງຢູເວນຕຸດ, ມານູເອວ ນອຍເອີ ຂອງບາເຢີນ ແລະ ອີເຄ ຄາຊິຢາດສ໌ ຂອງເຣອັນມາດຣິດ
ຈອມໜຽວໄວ 24 ປີ ເອົາຊະນະດ້ານການປັບຕົວ ນັບຕັ້ງແຕ່ຍ້າຍຈາກ ແອັດ ມາດຣິດ ຄ່າຕົວ 17,8 ລ້ານປອນດ໌ ເມື່ອປີ 2011 ໂຊຟອມໂດດເດັ່ຮຕະຫຼອດລະດູການ 2014-2015