ສະພາມວຍໂລກ ຫຼື WBC ໄດ້ຈັດງານເປີດຕົວເຂັມຂັດແຊ້ມຂອງມວຍຄູ່ຢຸດໂລກ ລະຫວ່າງ ຟຼອຍ ເມເວດເທີ ຈູເນຍ ກັບ ແມນນີ່ ປາກຽວ ທີ່ເມືອງແມັກຊີໂກ ປະເທດ ແມັກຊີໂກ

ໂດຍເຂັມຂັດແຊ້ມດັ່ງກ່າວມີມູນຄ່າສູງເຖິງ 1 ລ້ານໂດລາ ຫຼື ປະມານ 8 ຕື້ກີບ ປະດັບດ້ວຍມໍລະກົດ 3000 ເມັດ ພ້ອມທັງມີຮູບຂອງ ປາກຽວ ແລະ ຟຼອຍ ລວມໄປເຖິງ ມູຮັມໝັດ ອາລີ ນັກມວຍໃນຕຳນານ ແລະ ໂຄເຊ່ ສຸໄລມານ ອະດີດປະທານສະພາມວຍໂລກ

ເຂັມຂັດນີ້ຈະຖືກມອບໃຫ້ກັບຜູ້ຊະນະຂອງການແຂ່ງຂຂັນປະຫວັດສາດໃນວັນທີ 2 ພຶດສະພານີ້ ໃນຂະນະດຽວກັນ ບ໊ອບ ອະລຳ ໂປໂມເຕີຈັດການແຂ່ງຂັນຢືນຢັນວ່າ ບັດເຂົ້າຊົມເກມນີ້ໄດ້ໝົດແລ້ວໃນການຈຳໜ່າຍ ສ່ວນລາຄາບັດໃຕ້ດິນກໍ່ມີລາຄາສູງເຖິງ 7,500 ປອນດ໌ ຫຼື ປະມານ 90 ລ້ານກວ່າກີບ