ຄິດວ່າເຈົ້າກັບແຟນ“ສະອາດ”ພຽງໃດ?ເພາະຖ້າບໍ່ກວດໃຫ້ດີ“ນ້ອງສາວ”ມີຕຸ່ມ,ບາດແຜ,ແສບ,ຄັນຂຶ້ນມາ ຢ່າວ່າບໍ່ເຕືອນ
ຜູ້ຍິງທີ່ມີແຟນຄົນດຽວມີໂອກາດໄດ້ຮັບພະຍາດທາງເພດສຳພັນຫລາຍພຽງໃດ?
ໃນການຕິດເຊື້ອແບກທີເຣຍໂດຍສ່ວນຫລາຍຈະເປັນກຸ່ມທີ່ມີີເພດສຳພັນກັບຫລາຍຄົນແຕ່ຜູ້ຍິງທີ່ມີຜົວດຽວກໍ່ມີໂອກາດຖ້າຜູ້ຊາຍມີຄູ່ນອນຄົນອື່ນແຕ່ຜູ້ຊາຍທີ່ມີເພດສຳພັນກັບຫລາຍຄົນກໍມີໂອກາດຮັບດ້ວຍຕົນເອງຢູ່ແລ້ວບາດນີ້ການຕິດເຊື້ອແບກທີເຣຍຖືເປັນປະເດັນຫລັກແລະຮຸນແຮງທີ່ສຸດໃນກຸ່ມນີ້ກໍຈະມີ 4 ພະຍາດດ້ວຍກັນ
1.ໜອງໃນແທ້
ໜອງໃນຊະນິດນີ້ມີໄລຍະຟັກໂຕສັ້ນສຳຜັດເຊື້ອ2-4ມື້ກໍຈະມີອາການສາມາດເຮັດໃຫ້ເກີດອາການອັກເສບໜ້ອຍໄປເຖິງຫລາຍຄືຜູ້ປ່ວຍຮ້ອຍລະ50ບໍ່ມີອາການເລີຍສ່ວນອີກຮ້ອຍລະ50ກໍຈະມີອາການຕັ້ງແຕ່ຕ່ອມບາລໂທລິນບວມເປັນກ້ອນໜອງມີການອັກເສບບໍລິເວນປາກມົດລູກອັກເສບບໍລິເວນທໍ່ຍ່ຽວເວລາຍ່ຽວຈະແສບ,ຕົກຂາວເປັນໜອງ,ມີກິ່ນເໝັນເປັນຕົ້ນແຕ່ຈະມີຜູ້ປ່ວຍຮ້ອຍລະ 15-20 ທີ່ການຕິດເຊື້ອລາມຈາກຊ່ອງຄອດເຂົ້າໄປໂພງມົດລູກເຮັດໃຫ້ໂພງມົດລູກອັກເສບ,ຮວຍໄຂ່ອັກເສບ,ທໍ່ຮວຍໄຂ່ອັກເສບ ອັກເສບຫລືມີກ້ອນໜອງໃນທ້ອງຊຶ່ງຖ້າເປັນແລ້ວຈະມີອາການໄຂ້ສູງໜາວສັ່ນເຈັບທ້ອງຮຸນແຮງຕ້ອງຜ່າຕັດດ່ວນ
ສຸດທ້າຍທີ່ຮຸນແຮງທີ່ສຸດຄືສູ່ກະແສເລືອດອາການກໍຄືຊັອກໄຂ້ສູງ,ໜາວສັ່ນ,ອາດຈະມີຜື່ນຂຶ້ນຕາມໂຕ ຫລືມີຂໍ້ອັກເສບຮ່ວມນໍາແລະຈະເປັນອັນຕະລາຍເຖິງຊີວິດຖ້າບໍ່ໄດ້ຮັບການປິ່ນປົວທັນທີຊຶ່ງພວກນີ້ຈະໄດ້ຮັບການພິຈາລະນາໄດ້ດ້ວຍອາການແລະເອົາລັກສະນະຕົກຂາວຫລືເມືອກໄປຍ້ອມເຊື້ອຫລືແມ່ນແຕ່ການເຈາະເລືອດການປິ່ນປົວກໍຈະເຮັດໄດ້ດ້ວຍການກິນຢາປະຕິຊີວະນະຫລືກິນຢາຕໍ່ເນື່ອງເປັນໄລຍະ
2.ໜອງໃນທຽມ(ຄາມີເດຍ)
ຄືກັບໜອງໃນແທ້ພຽງແຕ່ເຊື້ອແບກທີເຣຍຄົນລະໂຕກັນໜອງໃນທຽມຈະບໍ່ມີອາການຮຸນແຮງຄືໜອງໃນແທ້ແຕ່ຈະເປັນປະເພດເຊື່ອງຢູ່ຈຸດລັບເມື່ອຕິດເຊື້ອອາດມີອາການເລື່ອຍໆຕໍ່ເນື່ອງເຊັ່ນຕົກຂາວເໝັນ ເປັນໜອງຫລືວ່າມີຕົກຂາວບໍ່ເຊົາຈັກເທື່ອຫລືເຄີຍມີປະຫວັດເລືອດອອກຫລັງມີເພດສຳພັນເພາະປາກມົດລູກມີແຜອັກເສບຕ້ອງກວດພາຍໃນຈຶ່ງຈະພົບເນື່ອງຈາກອາການບໍ່ຫລາຍຜູ້ຍິງບາງຄົນຈົນຄິດວ່າຕົນເອງເປັນຕົກຂາວທຳມະດາແລ້ວບໍ່ໄດ້ເຂົ້າຮັບການຮັກສາ
ກຸ່ມນີ້ຈະເປັນກຸ່ມທີ່ມີສະຖິຕິຂອງການມີລູກຍາກຫລາຍທີ່ສຸດເຊື້ອໜອງໃນທຽມສາມາດຜ່ານເຂົ້າໄປໃນໂພງມົດລູກແລ້ວເຮັດໃຫ້ເກີດການອັກເສບຊຳເຮື້ອເວລາເຈັບຈະບໍ່ເຈັບໜັກແຕ່ຈະປວດຕໍ່ເນື່ອງເປັນໄລຍະເວລາດົນຜ່ານໄປຫລາຍປີບາງເທື່ອແຕ່ງດອງແລ້ວກໍມາຫາໝໍປຶກສາເລື່ອງມີບຸດຍາກເປັນເພາະທໍ່ຮວຍໄຂ່ຕັນເປັນພັງຜືດໄປແລ້ວນັ້ນເອງ
ຄາມີເດຍສາມາດເຮັດໃຫ້ເກີດພາວະທີ່ເອີ້ນວ່າຝີໝາກມ່ວງເມື່ອເກີດການຕິດເຊື້ອສາມາດເຮັດໃຫ້ເກີດບາດແຜຕຸ່ມຂຶ້ນທີ່ອະໄວຍະວະເພດພາຍນອກຮ່ວມກັບການມີຕ່ອມນ້ຳເຫລືອງທີ່ອະໄວຍະວະເພດໃຫຍ່ຫລືອັກເສບພົບໄດ້ປະມານຮ້ອຍລະ10-15ແລະອາດມີໜອງອອກມາຈາກທໍ່ຍ່ຽວແຕ່ຈະຕ່າງຈາກພະຍາດໜອງໃນແທ້ບ່ອນທີ່ມັນບໍ່ເຈັບແລ້ວກໍອາດຈະມີໄຂ້,ປວດເມື່ອຍ,ເຈັບຫົວ,ນ້ຳໜັກຫລຸດອາການຈະຄ່ອຍໆແຊກຊຶມ(ແຕ່ຖ້າເຖິງຂະໜາດມີຝີໝາກມ່ວງນີ້ກໍສະແດງວ່າທ່ຽວພໍສົມຄວນ)
3.ຊິຟິລິບ
ຮ້ອຍລະ 95 ມາຈາກການຕິດຕໍ່ທາງເພດສຳພັນແນ່ນອນໃຊ້ໄລຍະເວລາຟັກໂຕດົນ3ອາທິດແຕ່ຈະແຜ່ເຊື້ອໄດ້ຫລາຍທີ່ສຸດໃນປີທໍາອິດເຊັ່ນ:ເຮົາຮັບເຊື້ອມາໃນໜຶ່ງປີທໍາອິດແລ້ວໄປມີຄູ່ນອນຕໍ່ຫລາຍຄົນກໍແພ່ເຊື້ອໄດ້ຫລາຍທີ່ສຸດ
ໄລຍະທີ່ໄດ້ຮັບເຊື້ອໃໝ່ໆອາການທີ່ອາໄວຍະວະເພດຈະຊັດເຈນຫລັງຈາກຮັບເຊື້ອມາ2-4ອາທິດຈະມີບາດແຜຂຶ້ນທີ່ອະໄວຍະວະເພດແຕ່ບາດແຜຈະແຕກຕ່າງຈາກບາດແຜທົ່ວໄປບ່ອນທີ່ເປັນບາດແຜຮິມແຂງບໍ່ເຈັບສາມາດຂຶ້ນທີ່ອະໄວຍະວະເພດທຸກຊະນິດທີ່ມີການສຳຜັດໃນຂະນະຮ່ວມເພດບໍ່ວ່າຈະເປັນອະໄວຍະວະເພດເຮົາ,ຮູທະວານແລະຖ້າມີອໍລັນເຊັກກໍຈະມີທີ່ຮີມສົບ,ລິ້ນ,ອາມິດານຫລືແມ່ນແຕ່ນິ້ວມື ພວກນີ້ຈະພົບຕ່ອມນ້ຳເຫລືອງທີ່ຂາໜີບໃຫຍ່ນໍາແຕ່ບໍ່ເຈັບຖ້າປ່ອຍໄວ້ກໍຈະເຊົາໄປເອງໄລຍະ3-8 ອາທິດຫລັງຕິດເຊື້ອຖ້າເຮົາປ່ອຍເອົາໄວ້ກໍຈະເຂົ້າສູ່ໄລຍະນີ້ຊຶ່ງມີອາການທາງລະບົບຮ່າງກາຍທັງໝົດ ເພາະມັນເຂົ້າສູ່ກະແສເລືອດແລ້ວມີອາການຄືເປັນຫວັດມີໄຂ້,ເຈັບຄໍມີຂີ້ມູກ,ເຈັບຫົວ,ອາດມີຜື່ນຂຶ້ນຕາມໂຕແຕ່ບໍ່ຄັນ,ອາດມີຕຸ່ມ,ສີນ້ຳຕານທີ່ອະໄວຍະວະເພດບາງຄົນມີປື້ນແດງຢູ່ໃນຊ່ອງຄອດຕ່ອມນ້ຳເຫລືອງໃຫຍ່ບາງຄົນຜົມຫລົ່ນເປັນຍ່ອມໆຫລືໝົດຫົວ,ຊີດມີພາວະເລືອດຈາງ
ໄລຍະທີ່ສາມເກີດກັບລະບົບຮ່າງກາຍທົ່ວໄປຈະມີ Gumma ຊຶ່ງເປັນກ້ອນຂອງພະຍາດເກີດຕາມທີ່ຕ່າງໆຕາມຜິວໜັງກະດູກຈະພົບຫລັງຕິດເຊື້ອ3-10ປີຖ້າພົບກໍໝາຍຄວາມວ່າບໍ່ດີແລ້ວແຕ່ໃນປະຈຸບັນບໍ່ຄ່ອຍມີໃຜມີອາການເຖິງລະດັບນີ້ແຕ່ສະໄໝກ່ອນພວກເຂົາຈະເສັຍຊີວິດເພາະເຊື້ອເຂົ້າໄປທີ່ເສັ້ນເລືອດໃຫຍ່ຂອງຮ່າງກາຍເຮັດໃຫ້ເສັ້ນເລືອດໃຫຍ່ອັກເສບໄລຍະເວລາຕິດເຊື້ອດົນເຖິງ4-10ປີເພາະສະນັ້ນ ຜົວດຽວເມຍດຽວອາດຈະພົບບັນຫາໄດ້
- ບາດແຜຮິມອ່ອນ
ເກີດຈາກແບກທີເຣຍHaemophilus Ducreyiໃຊ້ເວລາຟັກໂຕ4-7ມື້ຄົນໄຂ້ຈະບໍ່ຄ່ອຍມີອາການທາງລະບົບຮ່າງກາຍແຕ່ຈະເປັນບາດແຜຂຶ້ນບໍລິເວນອະໄວຍະວະເພດທີ່ເປັນຈຸດສຳຜັດເຊັ່ນ:ປາກຊ່ອງຄອດທາງນອກ,ຊ່ອງຄອດ,ຄິຕໍລິດ,ທໍ່ຍ່ຽວແລະຈະເປັນບາດແຜຮີມອ່ອນໆແລະເຈັບມີຕ່ອມນ້ຳເຫລືອງບ່ອນຂາໜີບໃຫຍ່ຊັດເຈນຖ້າເປັນໃນຜູ້ຊາຍກໍຈະພົບບາດແຜຄືກັນແຕ່ອາດມີບາດແຜຂຶ້ນບ່ອນທ້ອງນ້ອຍອະໄວຍະວະເພດຕົ້ນຂາແລ້ວກໍຈະມີບັນຫາທໍ່ຍ່ຽວແລະຮູກົ້ນກໍຈະມີບາດແຜເກີດຂຶ້ນການປິ່ນປົວຈະໃຊ້ວິທີການກິນຢາປະຕິຊີວະນະ
ພະຍາດຕິດຕໍ່ທາງເພດສຳພັນເຮັດໃຫ້ເກີດຫຍັງໄດ້ແນ່?
ພະຍາດຕິດຕໍ່ທາງເພດສຳພັນສາມາດນຳມາຊຶ່ງພາວະແຊກຊ້ອນຕ່າງໆທີ່ຮຸນແຮງໄດ້ຫລັກໆແລ້ວມີດັ່ງນີ້1.ເພີ່ມຄວາມສ່ຽງການເປັນມະເຮັງລະບົບອະໄວຍະວະສືບພັນໂດຍເກີດຈາກການໄດ້ຮັບເຊື້ອHPV ຈາກການມີເພດສຳພັນຈົນດຽວນີ້ຄົນເລີ່ມພົບກັນແລ້ວວ່າມະເຮັງປາກມົດລູກເປັນໜຶ່ງໃນພະຍາດຕິດຕໍ່ທາງເພດສຳພັນຈົນດຽວນີ້ຄົນເລີ່ມເວົ້າກັນແລ້ວວ່າມະເຮັງປາກມົດລູກເປັນໜຶ່ງໃນພະຍາດຕິດຕໍ່ທາງເພດສຳພັນເພາະບໍ່ໄດ້ມາຈາກກຳມະພັນ
2.ການຕິດພະຍາດທາງເພດສຳພັນເຮັດໃຫ້ເກີດພາວະມີລູກຍາກໃນຜູ້ຍິງໄດ້ຖ້າເປັນໜອງໃນລາມເຂົ້າໄປຂ້າງໃນຈົນປີກມົດລູກອັກເສບທໍ່ຮວຍໄຂ່ອັກເສບກໍຈະເຮັດໃຫ້ເກີດການຕີບຕັນແລະເປັນພັງຜືດກໍຈະມີສິດມີລູກຍາກໄດ້
3.ເກີດພາວະແຊກຊ້ອນຕໍ່ການຖືພາເຊັ່ນພໍມີທໍ່ຮວຍໄຂ່ຕີບຕັນກໍຈະເກີດການຖືພານອກມົດລູກໄດ້ສຸດທ້າຍກໍຄືເກີດພາວະເດັກນ້ອຍເສັຍຊີວິດໃນມົດລູກຫລືພິການແຕ່ກຳເນີດເຊັ່ນ:ຜູ້ຍິງທີ່ມີເຊື້ອຊິຟິລິບກໍຈະມີອັນຕະລາຍຕໍ່ເດັກໃນທ້ອງບາງເທື່ອສົມມຸດວ່າເຮົາພົບໂຕພະຍາດໃນຜູ້ຍິງແຕ່ຜູ້ຊາຍບໍ່ມີອາການກໍມີ ເພາະສະນັ້ນຈື່ໄວ້ວ່າພະຍາດທາງເພດສຳພັນທຸກຊະນິດຕໍ່ໃຫ້ຝ່າຍຊາຍບໍ່ມີອາການແລະໝັ້ນໃຈວ່າບໍ່ມີຄູ່ນອນຄົນອື່ນກໍຕ້ອງໃຫ້ການປິ່ນປົວອີກຄົນໜຶ່ງນໍາສະເໝີ