ກຸ່ມລັດອິດສະລາມ ຫລື IS ລອບວາງລະເບີດໜ້າສະຖານທູດແອັດສະປາຍ ປະຈຳປະເທດລິເບຍ ແຕ່ບໍ່ມີລາຍງານຜູ້ໄດ້ຮັບບາດເຈັບ ຫລື ເສຍຊີວິດ.
ສຳນັກຂ່າວຕ່າງປະເທດ ລາຍງານໃນວັນທີ 22 ເມສານີ້ວ່າ ໄດ້ເກີດເຫດລະເບີດບໍລິເວນໜ້າ ສະຖານເອກອັກຄະລັດຖະທູດແອັດສະປາຍ ໃນນະຄອນຫລວງຕິໂປລີ ປະເທດລິເບຍ ເຊິ່ງແຮງລະເບີດໄດ້ເຮັດໃຫ້ກຳແພງຂອງສະຖານທູດ ໄດ້ຮັບຄວາມເສຍຫາຍບາງສ່ວນ ແຕ່ໂຊກດີບໍ່ມີໃຜໄດ້ຮັບບາດເຈັບ ຫລື ເສຍຊີວິດແຕ່ຢ່າງໃດ, ຫລັງຈາກເກີດເຫດບໍ່ດົນ ກຸ່ມລັດອິດສະລາມ ກໍໄດ້ປະກາດຜ່ານທາງທະວິດເຕີ້ຂອງສະມາຊິກຫລາຍຄົນວ່າ ເຫດການດັ່ງກ່າວແມ່ນພວກຕົນເປັນຜູ້ປະຕິບັດການ.