ຄວາມຈິງຂອງພະພຸດທະຮູບທີ່ເຈົ້າໜ້າທີ່ ກັກໃວ້ໃນວັນທີ່ 13 ເມສາ 2015 ທີ່ສະໜາມບິນສາກົນວັດໄຕ ພາຍຫຼັງພາກສ່ວນ ກ່ຽວຂ້ອງ ໄດ້ຊ້ອງໜ້າ ເພືອເຮັດການແກະ ຫີບ ບັນຈຸ ພະອົງດັ່ງ ກ່າວ ກໍ່ສາມາດ ໃຫ້ຄວາມກະຈ່າງແຈ້ງ ແກ່ສັງຄົມ ຜູ້ຮັກ ແລະ ຫວງແຫນ ມໍລະດົກຂອງຊາດ. ຈາກການສຳຫຼວດ ອົງພະຕົວຈິງແລ້ວ ພະອົງດັ່ງກ່າວ ແມ່ນເປັນພະຫຼໍ່ຂຶ້ນໃໝ່ ແລະ ໄດ້ຮັບການຢືນຢັນຈາກທາງຮ້ານ ທີ່ຫຼໍ່ພະອົງດັ່ງກ່າວ. ເຖິງຢ່າງໃດກໍ່ດີ ການເຄືອນຍ້າຍ ພະພຸດທະຮູບ ບໍ່ວ່າຈະເປັນອົງໃໝ່ ກໍ່ຕ້ອງ ຕ້ອງມີເອກະສານຖືກຕ້ອງ ແລະ ມີການຢືນຢັນ ທີ່ໄປທີ່ມາ.ເນື່ອງຈາກ ບັນຫາ ການລັກເອົາພະພຸດທະຮູບເກົ່າ ແກ່ອອກຈາກ ສປປລາວ ແມ່ນມີຫຼາຍ ແລະ ຕ້ອງການ ໃຫ້ທຸກຄົນໄດ້ຊ່ວຍ ກັນເປັນຫູເປັນຕາ. ເພາະບາງຄັ້ງ ພວກລັກລອບ ອາດໃຊ້ອຸບາຍ ເອົາພະເກົ່າໄປຍ້ອມສີໃໝ່ເພື່ອຕົບຕາ ວ່າເປັນພະຫຼໍ່ໃໝ່ ກໍ່ອາດເປັນໄປໄດ້.