spot_img
Homeຂ່າວພາຍ​ໃນປີຜ່ານມາກາ​ແດງ​ຊ່ວຍ​ບັນ​ເທົາ​ທຸກປະຊາຊົນ ເກືອບ 2.000 ​ຄອບຄົວ

ປີຜ່ານມາກາ​ແດງ​ຊ່ວຍ​ບັນ​ເທົາ​ທຸກປະຊາຊົນ ເກືອບ 2.000 ​ຄອບຄົວ

Published on

ການ​ເຄື່ອນ​ໄຫວ​ປະຕິບັດ​ວຽກງານ ​ຂອງ​ອົງການ​ກາ​ແດງ​ລາວ ​ໃນ​ປີ 2012 ຜ່ານ​ມາ ສາມ​າດຊ່ວຍ​ເຫ​ລື​ອບັນ​ເທົາ​ທຸກ ​ໃຫ້​ແກ່​ປະຊາຊົນ​ຜູ້​ໄດ້​ຮັບ​ຜົນ​ກະທົບ​ຈາກ​ໄພພິບັດ​ຕ່າງໆ ​ເປັນຕົ້ນ: ​ໄພ​ນ້ຳ​ຖ້ວມ, ລົມພາຍຸ, ດິນ​ເຊາະ​ເຈື່ອນ ແລະ ອື່ນໆ ໄດ້ທັງໝົດ 1.880 ຄອບຄົວ, 11.558 ຄົນ ໂດຍໄດ້ຊ່ວຍເຂົ້າສານ ແລະ ເກືອ ຈຳນວນ 46.525 ກິໂລ, ມູນຄ່າ 1,7 ຕື້ກວ່າກີບ.
ໃນຂະນະດຽວກັນ ໄດ້ມີການຊ່ວຍກໍ່ສ້າງນ້ຳລິນໃຫ້ຊຸມຊົນ ຈຳນວນ 29 ແຫ່ງ, ສ້ອມແປງ 24 ແຫ່ງ, ມີຜູ້ໄດ້ຮັບຜົນປະໂຫຍດ 15.724 ຄົນ, ມູນຄ່າ 3,6 ຕື້ກວ່າກີບ; ກໍ່ສ້າງ ນ້ຳບາດານ 2 ບໍ່ໃນສອງບ້ານ, ມູນຄ່າ 100 ລ້ານກີບ, ກໍ່ສ້າງວິດຖ່າຍໄດ້ທັງໝົດ 3.452 ແຫ່ງ, ມີຜູ້ໄດ້ຮັບປະໂຫຍດ 23.796 ຄົນ, ມູນຄ່າ 1,5 ຕື້ກວ່າກີບ. ພ້ອມນີ້ ໄດ້ຈັດຊຸດ ອົບຮົມພະຍາບານ ໃຫ້ອາສາສະໝັກໄດ້ 425 ຄົນ, ເປັນຍິງ 151 ຄົນ ແລະ ຊ່ວຍເຫລືອຜູ້ຖືກອຸປະຕິເຫດເທິງຖະໜົນໄດ້ 152 ຄົນ. ກາ​ແດງ​ລາວ​ ຍັງ​ໄດ້​ເຄື່ອນ​ໄຫວ​ປຸກລະດົມ​ ຮັບ​ບໍລິຈາກ​ເລືອດ ​ຮ່ວມ​ກັບ​ພາກສ່ວນ​ຕ່າງໆ ເພື່ອ​ກຽມພ້ອມ​ຮັບ​ໃຊ້​ກອງ​ປະຊຸມ ອາ​ແຊັບ 7 ແລະ ກອງ​ປະຊຸມອາ​ເຊັມ 9 ແລະ ງານ​ກິລາ​ມະຫາວິທະຍາ​ໄລ​ອາຊຽນ ທີ່ ສປປ ລາວ ຮັບກຽດເປັນເຈົ້າພາບ ຊຶ່ງໄດ້ຮັບເລືອດທັງໝົດ 15.632 ຖົງ, ທັງມີການເຄື່ອນໄຫວຈັດກອງປະຊຸມ ແລະ ການຈັດຕັ້ງປະຕິບັດໂຄງການຫລຸດຜ່ອນຄວາມສ່ຽງໄພພິບັດຊຸມ ຊົນຮ່ວມກັບອົງການອຸຍນີເຊັບ ຢູ່ 3 ເມືອງ 17 ບ້ານ ຂອງແຂວງສາລະວັນ ແລະ 3 ເມືອງ 29 ບ້ານຂອງແຂວງ ເຊກອງ.
ບົດລາຍງານຫ້ອງວ່າການລັດຖະບານລະບຸວ່າ: ປີ 2013 ອົງການກາແດງ ໄດ້ມີການຫ້າງຫາກະກຽມການຊ່ວຍບັນເທົາທຸກ ແກ່ປະຊາຊົນໃນກໍລະນີຫາກເກີດໄພພິບັດທຳມະຊາດ ດ້ວຍຫລາຍຮູບການ ເຊັ່ນ: ການກຳນົດເຂດຄວາມສ່ຽງ, ການສ້າງຕັ້ງລະບົບເກັບກຳຂໍ້ມູນ ເພື່ອລາຍງານສະພາບທີ່ເກີດຂຶ້ນໃຫ້ທັນເວລາ ແລະ ຈັດຕັ້ງລະບົບການປະສານງານຄົບ ຊຸດແຕ່ສູນກາງຮອດທ້ອງຖິ່ນ. ພ້ອມນີ້ ໄດ້ສືບຕໍ່ຊີ້ນຳໂຄງການພັດທະນາສຸຂະພາບຊຸມຊົນ ເປັນຕົ້ນແມ່ນນ້ຳລິນ, ວິດຖ່າຍ, ການອົບຮົມອາສາສະໝັກບ້ານ, ໝໍຕຳແຍ, ຖົງປະ ຖົມພະຍາບານ, ຖົງຊ່ວຍເກີດລູກ ແລະ ມຸ້ງຍ້ອມຢາ. ສືບຕໍ່ສ້າງຄວາມເຂັ້ມແຂງ ໃນການປຸກລະດົມຈັດຫາຜູ້ບໍລິຈາກເລືອດ, ລວມທັງການສະໜອງເລືອດໃຫ້ພຽງພໍ ແລະ ປອດ ໄພເທື່ອລະກ້າວ./

ຂ່າວຈາກ:   www.kpl.net.la

ບົດຄວາມຫຼ້າສຸດ

ຕ້ອນຮັບທູດຕ່າງປະເທດຍື່ນສານຕາຕັ້ງ ແລະ ມອບສານຕາຕັ້ງ ໃຫ້ທູດລາວ ໄປປະຈຳຢູ່ຕ່າງປະເທດ

ປະທານປະເທດ ຕ້ອນຮັບທູດຕ່າງປະເທດຍື່ນສານຕາຕັ້ງ ແລະ ມອບສານຕາຕັ້ງ ໃຫ້ທູດລາວ ໄປປະຈຳຢູ່ຕ່າງປະເທດ ໃນວັນທີ 4 ມີນາ 2025 ນີ້, ທ່ານ ທອງລຸນ ສີສຸລິດ ປະທານປະເທດ...

ຍີ່ປຸ່ນເລັ່ງດັບໄຟປ່າຮຸນແຮງທີ່ສຸດສຸດໃນຮອບ 30 ປີ ອົບພະຍົບປະຊາຊົນຫຼາຍພັນຄົນ

ຍີ່ປຸ່ນເລັ່ງດັບໄຟປ່າຮຸນແຮງທີ່ສຸດໃນຮອບ 30 ປີ ຕ້ອງລະດົມເຈົ້າໜ້າທີ່ືດັບໄຟຫຼາຍກວ່າ 2,000 ຄົນ ເພື່ອຊ່ວຍກັນດັບໄຟ ແລະ ເລັ່ງອົບພະຍົບປະຊາຊົນເກືອບໜຶ່ງໝື່ນຄົນອອກຈາກພຶ້ນທີ່ໄຟປ່າທາງຕອນເໜືອຂອງປະເທດ. ສຳນັກຂ່າວ NHK ຂອງຍີ່ປຸ່ນລາຍງານໃນວັນທີ 4 ມີນາ 2025...

ພິທີປະກາດຮັບຮອງ ນະຄອນຫຼວງພະບາງ ແຂວງຫຼວງພະບາງ ເປັນນະຄອນພົ້ນທຸກ

ນະຄອນຫຼວງພະບາງ ປະກາດເປັນນະຄອນ ພົ້ນທຸກ ແລະ ນະຄອນເຂັ້ມແຂງ ຮອບດ້ານ ພິທີປະກາດຮັບຮອງ ນະຄອນຫຼວງພະບາງ ແຂວງຫຼວງພະບາງ ເປັນນະຄອນພົ້ນທຸກ ຕາມດຳລັດ 348/ລບ ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ...

ພິທີ ມອບ-ຮັບ ອາຄານຮຽນ ໂຮງຮຽນສາທິດຂອງວິທະຍາໄລຄູ 8 ແຫ່ງ ພາຍໃຕ້ໂຄງການປັບປຸງວິທະຍາໄລຄູໃນລາວ

ມອບ-ຮັບ ໂຮງຮຽນສາທິດຂອງວິທະຍາໄລຄູ 8 ແຫ່ງ ພາຍໃຕ້ ໂຄງການປັບປຸງວິທະຍາໄລຄູໃນລາວ. ວັນທີ 3 ມີນາ 2025, ທີ່ ວິທະຍາໄລຄູບ້ານເກິນ ເມືອງທຸລະ ຄົມ, ແຂວງວຽງຈັນ...