ກຸ່ມລັດອິດສະລາມເຜີຍຄລິບໃໝ່ ປະຫານຊາວເອທິໂອເປຍ ທີ່ນັບຖືສາສະໜາຄຣິດ ລວມກ່ວາ 30 ຄົນ.
ສຳນັກຂ່າວຕ່າງປະເທດ ລາຍງານໃນວັນທີ 19 ເມສາຜ່ານມານີ້ວ່າ ກຸ່ມລັດອິດສະລາມ ຫລື IS ໄດ້ເຜີຍແຜ່ຄລິບວິດີໂອໃໝ່ ເຊິ່ງສະແດງໃຫ້ເຫັນພາບການສັງຫານໂຫດ ຕົວປະກັນຊາວເອທິໂອເປຍທີ່ນັບຖືສາສະໜາຄຣິດ ຈຳນວນກ່ວາ 30 ຄົນ ໂດຍເຊື່ອວ່າຜູ້ເສຍຊີວິດ ອາດແມ່ນສະມາຊິກຂອງໂບດສາສະໜາຄຣິດນິກາຍຄັອບຕິກຂອງຊາວເອທິໂອເປຍ ເຊິ່ງຖືກກຸ່ມແນວຮ່ວມຂອງກຸ່ມລັດອິດສະລາມ ບຸກຍຶດໄດ້ໃນບໍ່ດົນມານີ້.
ຄລິບວີດີໂອດັ່ງກ່າວ ມີຄວາມຍາວ 29 ນາທີ ເຊິ່ງສະແດງໃຫ້ເຫັນການສັງຫານຊາວເອທິໂອເປຍ 2 ກຸ່ມ ໂດຍກຸ່ມທີໜຶ່ງຖືກສັງຫານດ້ວຍການຂ້າຕັດຄໍຢູ່ບໍລິເວນຊາຍຫາດ ໃນຂະນະທີ່ອີກກຸ່ມໜຶ່ງຖືກສັງຫານດ້ວຍການຍິງບໍລິເວນຫົວ ທີ່ບໍລິເວນທະເລຊາຍແຫ່ງໜຶ່ງ ໂດຍທີ່ບໍ່ຮູ້ສະຖານທີ່ອັນແນ່ນອນ.