ນີ້ຄືບັນຍາກາດການອັງເຊີນພະໃສ ລົງຫົດສົງໃນໂອກາດປີໃໝ່ລາວ-ໄທ ທີ່ໜອງຄາຍປະເທດໄທ
ຢ້ອນໄປໃນສະໄໝຂອງ ພະເຈົ້າໄຊເສດຖາທິຣາຊ ໄລຍະປີ ພ.ສ 2093 -2115 (ຄ.ສ 1553 – 1575) ແຫ່ງອານາຈັກລ້ານຊ້າງ ສີສັຕນາຄນະຫຸຕ ຊົງມີພຣະຣາຊທິດາ 3 ພະອົງ ພະຣາຊທິດາ ພະອົງຄ໌ເອຶ້ອຍກົກ ຊົງພະນາມວ່າ “ພະທິດາສຸກ”, ພະຣາຊທິດາພະອົງກາງ ຊົງພະນາມວ່າ “ພະທິດາເສີມ” ແລະ ພະຣາຊທິດາຜູ້ອົງສຸດທ້າຍ ພະອົງພຣະນາມວ່າ “ພະທິດາໃສ”. ກ່າວຂານກັນວ່າ ໃນປີ ພ.ສ 2109 (ຄ.ສ1569) ພຣະທິດາທັງ 3 ພະອົງໄດ້ຊົງຮ່ວມກັນສ້າງພະພຸດທະຮູບ ປະຈໍາພະອົງຂຶ້ນ 3 ອົງ ເພື່ອສືບທອດ ພຣະພຸດທະສາສນາ ແລະເພື່ອຄວາມເປັນສີຣິມຸງຄຸນ ໂດຍມີຂະຫນາດ ຄວາມໃຫ່ຍ ນ້ອຍຫລຸດລັ່ນກັນຕາມລຳດັບ
ໃນພິທິການຫລໍ່ພຣະພຸທຣູບທັງ 3 ອົງນັ້ນ ພຣະພິກຂຸ ແລະຄາຣະວາດຊ່ວຍກັນທໍາການສູບ ເຕົ້າຫລອມທອງຕະຫລອດເຖິງ 7 ວັນ ແລະ 7ຄືນແຕ່ທອງຍັງບໍ່ທັນເປຶ່ອຍ ຫລື ລະລາຍ ພໍເຖິງວັນທີ 8 ມີພຽງພຣະພິກຂຸ ສົງເຖົ້າອົງຫນຶ່ງ ກັບສາມະເນນສູບເຕົາໄຟຢູ່ ກໍປະກົດມີແມ່ “ຊີ” ຕົນຫນຶ່ງ ນຸ່ງຂາວອອກມາອາສາສູບ ເຕົາໄຟແທນ ອີກບໍ່ນານພຣະແລະເນນໃນວັນນັ້ນ ຕ່າງກໍປະກົດເຫັນມີແມ່ຊີ ຊ່ວຍກັນສູບເຕົາເປັນຈໍານວນຫລາຍ ທັງໆແມ່ຂາວຊີພຽງຕົນດຽວ. ເມື່ອເຖິງຜຽນປ່ຽນຂອງພຣະພິກຂຸສົງ ແລະເນນເຂົ້າໄປສູບເຕົາ ແທນຕໍ່ປາກົດເຫັນວ່າ ໄດ້ມີຜູ້ຖອກທອງລົງໄປໃນເບົ້າຫລໍ່ (ຫລອມ) ຈົນເຕັມທັງ 3 ເບົ້າຫລອມ ທັງໆທີ່ບໍ່ເຫັນໃຜ ຖອກທອງຄໍາລົງເທຶ່ອ. ເມື່ອຫລຽວອ້ອມຂ້າງ ວ່າຈະຖາມແມ່ຊີຂາວວ່າໃຜຖອກທອງລົງເບົ້າຫລອມ ປາກົດວ່າບໍ່ເຫັນແມ່ຂາວຢູ່ບໍຣິເວນຫລອມເລີຍ. ການຫລໍ່ພຣະພຸດທະຮູບທັງ 3 ອົງ ສໍາເລັດລົງດ້ວຍດີຢ່າງຫນ້າອັດສະຈັນ. ພຣະຣາຊທິດາສຸກ ພຣະຣາຊທິດາເສີມ ແລະພຣະຣາຊທິດາໃສ ໄດ້ຖວາຍພຣະນາມຂອງພຣະອົງເປັນນາມຂອງພຣະພຸດຮູບຄຶ ພຣະສຸກເປັນພຣະພຸດທະຮູບປະຈໍາ ພຣະຣາຊທິດາອົງ ເອື້ອຍ, ພຣະເສີມ ເປັນພຣະພຸດທະຮູບປະຈໍາ ພຣະຣາຊທິດາອົງກາງແລະພຣະໃສ ເປັນພຣະພຸດທະຮູບປະຈໍາພຣະຣາຊທິອາອົງນ້ອງຫຼ້າ.
ຂອບໃຈ ຈາກ Page : Taro Evolutionseven