ສະຖາບັນການເມືອງ ແລະ ການປົກຄອງແຫ່ງຊາດ ໄດ້ມອບປຶ້ມບົດນິພົນເລືອກເຟັ້ນຂອງທ່ານ ວາລາດີເມຍ ອີລິດ ເລນິນ ທ່ານ
ກາກມາກ ແລະ ຟຣີດຣິກ ອັງແກນ ແລະ ທ່ານປະທານ ໂຮ່ຈິມິນ ໃຫ້ສະຖາບັນວິທະຍາສາດສັງຄົມແຫ່ງຊາດ ຈຳນວນ 70
ເຫຼັ້ມ.
ສຳລັບປຶ້ມບົດນິພົນເລືອກເຟັ້ນຂອງທ່ານ ວາລາດີເມຍ ອີລິດ ເລນິນ ມີເຫຼັ້ມ 1 ແລະ ເຫຼັ້ມ 2 ປຶ້ມ ບົດນິພົນເລືອກເຟັ້ນຂອງທ່ານ
ກາກມາກ ແລະ ຟຣີດຣິກ ອັງແກນ ມີເຫຼັ້ມ 1 ແລະ ເຫຼັ້ມ 2 ສ່ວນປຶ້ມບົດນິພົນເລືອກເຟັ້ນຂອງທ່ານປະທານ ໂຮ່ຈິມິນ ມີເຫຼັ້ມ
1 ເຫຼັ້ມ 2 ແລະ ເຫຼັ້ມ 3 ລວມທັງໝົດ 70 ເຫຼັ້ມ ເພື່ອໄວ້ໄປສຶກສາຄົ້ນຄວ້າ ວາງແຜນ ກຳນົດແນວທາງຂອງພັກ ແລະ ລັດ
ຈຳນວນໜຶ່ງຈະເກັບມ້ຽນຫໍສະໝຸດ ເພື່ອບໍລິການໃຫ້ແກ່ສັງຄົມທົ່ວໄປ.
ວັນທີ 25 ກຸມພາ 2013 ຜ່ານມານີ້ ກໍໄດ້ຈັດພິທີມອບ-ຮັບຢ່າງເປັນທາງການ ຢູ່ທີ່ສະຖາບັນວິທະຍາສາດສັງຄົມແຫ່ງຊາດ ໂດຍ
ແມ່ນທ່ານນາງ ຄຳຫຼ້າ ແກ້ວອຸ່ນຄຳ ວ່າການຫົວໜ້າຫ້ອງການສະຖາບັນການເມືອງ ແລະ ການປົກຄອງແຫ່ງຊາດ ຕາງໜ້າມອບ
ແລະ ຕາງໜ້າຮັບແມ່ນທ່ານ ໂອແກ້ວ ສີຫາລາດ ຫົວໜ້າຫ້ອງການສະຖາບັນວິທະຍາສາດສັງຄົມແຫ່ງຊາດ ໂດຍມີທ່ານ ຮສຈ.
ດຣ. ທອງສະລິດ ມັງໜໍ່ເມກ ວ່າການປະທານສະຖາບັນວິທະຍາສາດສັງຄົມແຫ່ງຊາດ ເຂົ້າຮ່ວມເປັນສັກຂີພິຍານ.
ທີ່ມາhttp://www.vientianemai.net