ກຸ່ມນັກສະແດງໄວໜຸ່ມ ຂອງໂຮງລະຄອນແຫ່ງຊາດ ຈາກ ປາຣີ ປະເທດຝຣັ່ງ
ແລະ ນັກສະແດງຈາກໂຮງຮຽນສິລະປະດົນຕີແຫ່ງຊາດ, ຄະນະລະຄອນ
ເຂົ້າໜຽວລາວ ໄດ້ຈັດພິທີທຳການສະແດງລະຄອນເທີງເວທີຢ່າງຄືກຄື້ນມ່ວນຊື່ນ
ແລະ ໄດ້ຮັບການຕອບຮັບຈາກຜູ້ເຂົ້າຮ່ວມຊົມຢ່າງຫລວງຫລາຍ ການສະແດງ
ລະຄອນດັ່ງກ່າວໄດ້ຈັດຂື້ນໃນຕອນຄໍ່າຄືນວັນທີ 22 ກຸມພາ 2013 ນີ້ທີ່
ຫໍວັດທະນະທຳແຫ່ງຊາດ ນະຄອນຫລວງວຽງຈັນ ໂດຍການເຂົ້າຮ່ວມຂອງ
ທ່ານ Yves CARMONAເອກອັກຄະລັດຖະທູດປະເທດຝຣັ່ງປະຈຳລາວ
ທ່ານ Yves CARMONA ເອກອັກຄະລັດຖະທູດປະເທດຝຣັ່ງປະຈຳລາວ
ມີຮອງອຳນວຍການສະຖາບັນຝຣັ່ງປະຈຳລາວ ບັນດາທູຕານຸທູດ ອົງການຈັດຕັ້ງ
ສາກົນປະຈຳລາວ ຕະຫລອດມວນຊົນຊາວນະຄອນຫລວງວຽງຈັນເຂົ້າຮ່ວມ.
ທ່ານ Yves CARMONA ກ່າວວ່າ: ການສະແດງລະຄອນເທິງເວທີໃນຄັ້ງນີ້
ແມ່ນຈັດຂື້ນເປັນຄັ້ງທີ 2 ທີ່ກຸ່ມນັກສະແດງໄວຫນຸ່ມໂຮງລະຄອນແຫ່ງຊາດ
ໄດ້ເດີນທາງມາສະແດງທີ່ ສປປ.ລາວ ເພື່ອເປັນການແລກປ່ຽນທາງດ້ານ
ວັດທະນາທຳ ແລະ ປະສົບການລະຄອນເທິງເວທີ ລະຫວ່າງລາວ-ຝຣັ່ງ,
ຝຣັ່ງ-ລາວ ທັງເປັນການເສີມສ້າງຄວາມສາມັກຄີ ມິດຕະພາບໃຫ້ແໜ້ນແຟ້ນ
ຍິ່ງໆຂື້ນ ການສະແດງລະຄອນຄັ້ງນີ້ປະກອບມີສາກລະຄອນທັງໝົດ 24 ຕອນ
ຊຶ່ງແຕ່ລະສາກ ແຕ່ລະຕອນໄດ້ຮັບສຽງຕົບມື ແລະ ສ້າງຄວາມປະທັບໃຈ
ເບິກບານມ່ວນຊື່ນ ໃຫ້ແກ່ຜູ້ເຂົ້າຊົມໄດ້ເປັນຢ່າງດີ.
ຂ່າວ/ພາບ: ເທພະວົງສອນ
ທີ່ມາhttp://vtetoday.la