ເອດອງ ຮາຊາ ກອງກາງເຊວຊີຫຼີ້ນສົມລາຄາຄ່າຕົວສູງ ລຸ້ນລາງວັນນັກເຕະດີເດັ່ນຂອງເອັບເອ ຫຼັງຈາກຊ່ວຍ “ສິງ” ເປີດບ້ານຊັດປະຕູໄຊເອົາຊະນະ “ຜີແດງ” ແມນຍູໄນເຕັດ 1-0 ໃນການແຂ່ງຂັນພຣີເມຍລີກອັງກິດເມື່ອຄືນວັນທີ 18 ເມສາ ທີ່ຜ່ານມາ

ການແຂ່ງຂັນບານເຕະ ພຣີເມຍລີກ ອັງກິດ ນັດໃຫຍ່ ເຊວຊີ ຈ່າຝູງມີ 73 ຄະແນນ ເປີດບ້ານ ສະແຕມຟອດ ບຣິດຈ໌ ດວນກັບ ແມນເຊັດເຕີ ຍູໄນເຕັດ ອັນດັບ 3 ມີ 65 ຄະແນນ ເກມນີ້ເຈົ້າບ້ານສົ່ງ ດິດິເຍ ດຣອກບາ ກອງໜ້າຕົວເກົ໋າຢືນແທນ ດິເອໂກ ກອດສະຕາ ທີ່ຍັງບໍ່ພ້ອມ ສ່ວນທີມເຢືອນ ສົ່ງ ເວນ ຣູນີ ຄຸມແດນກາງແລ້ວໃຫ້ ຣາດາ ເມວ ຟານເກົາ ຢືນໜ້າເປົ້າ
ເປີດເກມມາ 3 ນາທີແມນຍູ ເຮັດໃຫ້ແຟນເຈົ້າຖີ່ນສຽວຫວຸດຫວິດທີ່ຈະຂື້ນນຳກ່ອນ ລຸກ ຊໍວ໌ ເປີດຫັກັບມາໃຫ້ ຣູນີ ອັດເຕັມຂໍ້ແຕ່ດາດເສົາອອກໄປ ຕໍ່ມານາທີ 12 ທີມເຢືອນບຸກຕໍ່ ກວນ ມາຕາ ສົ່ງຜ່ານຕໍ່ໃຫ້ ອັນເດຣ ເອເຣຣາ ຍິງຂວາແຕ່ນອກເຂດແລ້ວອອກຫຼັງໄປ

ເກມເນັ້ນຢູ່ກາງສະໜາມ ແຕ່ສຸດທ້າຍນາທີ 38 ເຊວຊີ ກາຍເປັນຝ່າຍນຳກ່ອນ 1-0 ອອດສະກາ ຕອກສົ້ນໃຫ້ ເອດອງ ຮາຊາ ຄວບຫຼຸດເຂົ້າໄປຍິງ ລອດຂາ ດາວິດ ເດ ເກອາ ເຂົ້າໄປຢ່າງສວຍງາມ ສ່ວນແມນຍູຮຶດຈະຕີສະເໝີນາທີ 40 ຣາດາເມວ ຟັນເກົາ ສົ່ງໃຫ້ ອັນເດຣ ເອເຣຣາ ຍິງຕິດບ໋ອກ ຈົບເຄີ່ງເວລາທຳອິດ ເຈົ້າບ້ານນຳ 1-0
ເຄີ່ງເວລາທີ 2 ນາທີ 53 ເຊວຊີ ເກຶອບໄດ້ລູກທີ 2 ດິິດິເຍ ດຣອກບາ ລາກບານມາຊັດເຕັມໆແຕ່ສະແລ໋ບແຂ່ງທີມເຢືອນ ເອດອງ ຮາຊາ ແລ່ນມາຊ້ຳແຕ່ຕຳຄານ ຕໍ່ມານາທີ 64 ຜີແດງ ພາດຕີສະເໝີ ມາຣູຍານ ເຟໄລນີ ພັກເອິກສົ່ງໃຫ້ ຣູນີ ແຕ່ງແລ້ວຍິງທັນທີແຕ່ສະແລ໋ບຄູ່ແຂ່ງອອກຫຼັງ

ນາທີ 76 ແມນຍູ ຍັງຕີສະເໝີບໍ່ໄດ້ ຟັນເກົາ ຫຼຸດເຂົ້າໄປແຕ່ຍິງເຂົ້າໄປຕິດສາມຫຼ່ຽມ ຈາກນັ້ນທ້າຍເກມນາທີ 82 ເວນ ຣູນີ ເອົາຕົວໂໝ່ງກາງປະຕູແຕ່ຂ້າມຄານສຸດທ້າຍບໍ່ມີປະຕູເພີ່ມຈົບເກມ ເຊວຊີ ຊະນະແບບຫວຸດຫວິດ 1-0 ເກັບເພີ່ມເປັນ 76 ຄະແນນຢູ່ຈ່າຝູງຕໍ່ໄປ ຜີແດງ ຊະນະ 6 ນັດຕິດ ສະດຸດແພ້ມີ 65 ຄະແນນ ທີ 3 ຄືເກົ່າ

ສ່ວນຜົນການແຂ່ງຂັນພຣີເມຍລີກຄູ່ອື່ນ:

ຄຣິດສະຕັນ ພາເລດຊ໌ 0-2 ເວດສ໌ ບອມວິດຊ໌ ອັນບຽນ
( 0-1 ເຈມ ມໍລິສັນ ນາທີ ທີ 2, 0-2 ເຄຣັກ ກາດເນີ ນາທີ ທີ 53 )
ເອັບເວີຕັນ 1-0 ເບີຣ໌ນລີ
( 1-0 ເຄວິນ ມິລັນລາດສ໌ ນາທີ ທີ 29 )
ເລດສ໌ເຕີ ຊິຕີ 2-0 ສະວອນຊີ ຊິຕີ
( 1-0 ໂຊເຊ ອຸນລົວ ນາທີ ທີ 15, 2-0 ແອນດີ ຄິງ ນາທີ 89 )
ສະໂຕ໊ກ ຊິຕີ 2-1 ເຊົາແຮມຕັນ
( 0-1 ມໍແກນ ຊະໄນເດີລິນ ນາທີ ທີ 22, 1-1 ມາເມ ບິຣັມ ດິຍຸບ ນາທີ ທີ 47, 2-1 ຊາລີ ອະດັມ ນາທີ ທີ 84 )