ສຳນັກຂ່າວຕ່າງປະເທດລາຍງານຈາກເມືອງເຊົາເປົາລູ ປະເທດບລາຊິນ ເມື່ອວັນທີ່16ເມສາ ວ່າ ຈີເຊລ ບຸນເຊນ ນາງແບບຊື່ດັງຊາວບລາຊິນອາຍຸ34ປີ ຍ່າງແບບເປັນເທື່ອສຸດທ້າຍໃນເຊົາເປົາລູແຟຊັນວີກ ຫລັງຈາກຢູ່ໃນວົງການນາງແບບມາດົນເຖິງ20ປີ ໂດຍຄືນມື້ພຸດທີ່ຜ່ານມານາງໄດ້ຂຶ້ນຍ່າງເປີດໂຊໃຫ້ກັບແບລນເສື້ອຜ້າຄັອກຊີ ທີ່ນາງເປັນພີເຊນເຕີໃຫ້ ໃນຊຸດກະໂປ່ງຊົງເອສຫລຸລາຍລູກໄມ້ສີຂາວ ກັບເກີບບູດສີດຳຍາວເຖິງເຂົ່າ ແລະ ຍ່າງປິດໂຊດ້ວຍຊຸດກະໂປງຊັນລາຍທາງສີງາຊ້າງຕັດກັບສີແຊນມອນ ຊຶ່ງມີທອມ ເບນດີ ຜົວມາໃຫ້ກຳລັງໃຈຕິດຂອບແຄດວອກ
ຫລັງຈາກຍ່າງປິດໂຊສຳເລັດນາງແບບທຸກຄົນໄດ້ຍ່າງອອກມາພ້ອມກັນໃນຊຸດເສື້ອຍືດໂສ້ງຢີນພິມຮູບໜ້າຂອງຈີເຊລ ບຸນເຊນ ປິດສາກການຍ່າງແບບເປັນເທື່ອສຸດທ້າຍໃນປະເທດບ້ານເກີດຂອງຕົນເອງ ຂະນະທີ່ນາງໃຫ້ສຳພາດວ່າ ນາງຕ້ອງການໃຊ້ເວລາກັບຄອບຄົວໃຫ້ຫລາຍຂຶ້ນ ແລະແມ່ນຈະເຊົາຍ່າງແບບແລ້ວແຕ່ບຸນເຊນຈະຍັງຄົງຮັບງານໃນວົງການນາງແບບຕໍ່ໄປ ໂດຍນາງບອກວ່າຕອນນີ້ຊີວິດນາງຄືກັບນ້ຳທີ່ເຕັມຈອກ ແລະບໍ່ຮູ້ຈະເຕີມນ້ຳລົງໄປອີກເປັນຫຍັງ ຊຶ່ງເປັນເຫດຜົນທີ່ນາງປະກາດອຳລາເວທີຍ່າງແບບ
