ເຮືອບິນໂດຍສານລໍາໜຶ່ງຂອງສາຍການບິນ Asiana ແລ່ນອອກຈາກທາງແລ່ນ ໂດຍໄດ້ເຮັດໃຫ້ 20 ກວ່າຄົນບາດເຈັບເລັກໜ້ອຍ
ຕອນຄໍ່າວັນທີ 14 ເມສານີ້, ຫຼັງຈາກລົງຈອດສະໜາມບິນ Hiroshima ຂອງຍີ່ປຸ່ນໃນໄລຍະສັ້ນໆ, ເຮືອບິນໂດຍສານລຸ້ນແອບັສ A320 ຖ້ຽວບິນ 162 ຂອງສາຍການບິນ Asiana ທີ່ເດີນທາງອອກຈາກນະຄອນຫຼວງເຊອູນຂອງສ.ເກົາຫຼີນັ້ນໄດ້ແລ່ນອອກຈາກທາງແລ່ນຂອງສະໜາມບິນ ແລ້ວຢຸດຕິການແລ່ນ. ຜູ້ໂດຍສານ 22 ຄົນຢູ່ໃນເຮືອບິນລໍານີ້ໄດ້ຮັບບາດເຈັບເລັກໜ້ອຍ. ກະຊວງຜືນແຜ່ນດິນແຫ່ງຊາດ ແລະຄົມມະນາຄົມຍີ່ປຸ່ນເຜີຍໃຫ້ຮູ້ວ່າ, ໃນເວລາລົງຈອດ, ພາກສ່ວນຫາງຂອງເຮືອບິນໄດ້ຖຸໄຖກັບທາງແລ່ນ ແລະເກີດມີໝັດໄຟເປັນຈໍານວນຫຼວງຫຼາຍ, ຫຼັງຈາກນັ້ນແລ່ນອອກຈາກທາງແລ່ນ ແລ້ວຢຸດຕິການແລ່ນ