ການແຂ່ງຂັນກ໊ອບ ເມເຈີ ລາຍການ ເດິ ມາດສະເຕີ ທີ່ເມືອງອໍກັດສະຕາ ລັດຈໍເຈັຍ ປະເທດສະຫະລັດອາເມລິກາ ທີ່ຫາກໍ່ຈົບຮອບສຸດທ້າຍໄປເມື່ອຕອນເຊົ້າຂອງວັນທີ 13 ເມສາ ( ເວລາປະເທດລາວ)
ປະກົດວ່າ ຈໍແດນ ສະປິດ ໂປຣກ໊ອບຈາກສະຫະລັດ ອາຍຸ 21 ປີ ມີຜົນງານຢ່າງໂດດເດັ່ນ ດ້ວຍການຄວ້າແຊ້ມໄປຄອງ ຫຼັງຈາກມີຄະແນນລວມ 4 ມື້ ທີ່ 18 ອັນເດີພາ 270
ແລະເຮັດໃຫ້ເຂົາເປັນນັກກ໊ອບອາຍຸນ້ອຍທີ່ສຸດເປັນອັນດັບ 2 ທີ່ໄດ້ແຊ້ມ ເດິະ ມາດສະເຕີ ດ້ວຍອາຍຸພຽງແຕ່ 21 ປີ 8 ເດືອນ 16 ມື້
ໃນຂະນະທີ່ເຈົ!ຂອງສະຖິຕິດັ່ງກ່າວເປັນ ໄທເກີ ວູດ ອະດີດໂປຣກ໊ອບມື 1 ຂອງໂລກທີ່ເຮັດເອົາໄວ້ຕອນອາຍຸ 21 ປີ 3 ເດືອນ 14 ມື້
ສ່ວນອັນດັບ 2 ແມ່ນ ຟິວ ມິກເຄວສັນ ກັບ ຈັດສະຕິນ ໂຣດສ໌ ຄະແນນທີ່ເຮັດໄດ້ 14 ອັນເດີພາ 274
ສ່ວນ ຣໍຣີ່ ແມັກອິນທອຍ ໂປຣກ໊ອບມື 1 ຂອງໂລກຈາກໄອແລນເໜືອ ຄະແນນທີ່ເຮັດໄດ້ 12 ອັນເດີພາ 276
ໃນຂະນະທີ່ ໄທເກີ ວູດ ອະດີດມື 1 ຂອງໂລກຢູ່ທີ່ອັນດັບ 17 ຄະແນນທີ່ເຮັດໄດ້ 5 ອັນເດີພາ 283